Astanada drondar men intellektýaldy taný júieleri arqyly baqylaý kúsheitildi, dep habarlaidy Dalanews.kz.
IIM málimetinshe, qala ómirine tolyq baqylaý ornatylǵan. Ol úshin túrli zamanaýi quraldar kesheni - kóshe beinekameralary, smart-jetondar, avtopatrýlderge ornatylǵan beinequrylǵylar jáne ushqyshsyz ushý apparattary paidalanylady.
"Erekshe nazar "Drondardyń biryńǵai infraqurylymy" pilottyq jobasyna aýdarylǵan. Onyń aiasynda jol qozǵalysyna áýeden baqylaý júrgiziledi. Qazirgi tańda alty zamanaýi dron kún saiyn qala kóshelerin sholyp, kólikterdi baqylaidy, jol qozǵalysy erejeleriniń buzylýyn tirkeidi, kólik nómirlerin anyqtap, olardy izdeý bazalarymen salystyrady. Osylaisha, politsiia qyzmetkerleri kez kelgen jaǵdaiǵa jedel áreket etýge múmkindik alady", - dedi politsiia.
Mysaly, dronnyń kómegimen temirjol ótkelinde shlagbaým jabylar sátte joldy kesip ótken Kia kóliginiń júrgizýshisi anyqtalǵan. Bul derek politsiianyń jedel basqarý ortalyǵyna joldanyp, júrgizýshi ákimshilik jaýapkershilikke tartylǵan.
