İİM Tımýr Qulybaevtyń ulynyń azamattyǵy týraly aqparatty jarıa etpedi, dep habarlaıdy Dalanews.kz.

Telegram-daǵy «Vyhod k morú» arnasy taratqan málimetke súıensek, Tımýr men Dınara Qulybaevtardyń úlken uly, Qazaqstannyń eks-prezıdenti Nursultan Nazarbaevtyń nemeresi Altaı Asqar (keı derekterde - Altaı Qulybaev) 2019 jyly Kıpr azamattyǵyn alý úshin ótinish bergen. Pasport oǵan shamamen 1 mıllıard teńgege túsýi múmkin.

Nege.kz redaksıasy Altaı Asqardyń Qazaqstan azamaty bolyp tabyla ma degen saýalmen İshki ister mınıstrligine resmı suraý joldaǵan. Sebebi el zańnamasy qos azamattyqqa tyıym salady.

Alaıda İİM naqty jaýap berýden bas tartyp, bul aqparattyń «shekteýli qoljetimdilikke jatatynyn» málimdedi.