Qazaqstandyqtardyń atynan zańsyz rásimdelgen nesieler sotsyz keshiriledi, dep habarlaidy Dalanews.kz.
Qarjy naryǵyn retteý jáne damytý agenttiginiń tóraǵasy Mádina Ábilqasymova alaiaqtar rásimdegen nesieni qalai esepten shyǵarý kerek ekenin túsindirdi.
Eger nesie azamattyń kelisiminsiz, onyń biometriialyq derekterinsiz rásimdelse, qaryz sotqa júginbei-aq keshiriledi. Ol úshin azamat quqyq qorǵaý organdaryna ótinish berýi kerek. Tergeý nátijesinde nesie alaiaqtyq jolmen alynǵany dáleldense, bank sol negizde qaryzdy esepten shyǵarady.
Keiingi eki jylda bankter 1,4 myń adamnyń 1,9 milliard teńge kólemindegi nesiesin sotsyz joiǵan.
Alaida kei jaǵdailarda biometriia qoldanylǵanymen, derekter qoldan jasalǵan bolyp shyǵady. Mundaida alaiaqtyq tek sot arqyly dáleldenýi múmkin.
