Politsiia Oral qalasynda jáne Batys Qazaqstan oblysynyń bir aýdanynda bes avtokólik urlady degen kúdikpen er adam ustaldy, dep habarlaidy Dalanews.kz. Qazaqstan Respýblikasynyń Ishki ister ministrligine silteme jasap.
Vedomstvonyń aqparattyq mediaportaly habarlaǵandai, er adam Audi markaly avtokólikti aidap ketkennen keiin ustalǵan. Kóliktiń qozǵalysyn politsiia qyzmetkerleri Jedel basqarý ortalyǵynyń beinebaqylaý kameralary arqyly baqylap otyrdy.
«Sol kúni kúdikti Volkswagen markaly avtokólikti de aidap ketken. Budan bólek, ol taǵy úsh avtokólik urlyǵyn jasaǵan. Jalpy, tamyz aiynan beri er adam bes urlyq jasaǵan – onyń ekeýi Báiterek aýdanynda, úsheýi oblys ortalyǵynda bolǵan», – dep habarlady IIM.
Barlyq avtokólikter zańdy ielerine qaitaryldy. Kólik urlyǵy faktileri boiynsha qylmystyq is qozǵaldy. Kúdikti ýaqytsha ustaý izoliatoryna qamaldy, tergeý amaldary júrgizilýde.
