Memlekettik mekemelerdiń jáne mádeniet salasynyń qyzmetkerleri «Taza Qazaqstan» aktsiiasy aiasynda estafetany qabyldady, dep habarlaidy Dalanews.kz.
Olar búgin Jambyl saiabaǵyn qoqys pen japyraqtan tazalady.
ShQO tarihi-mádeni murany qorǵaý mekemesiniń bólim meńgerýshisi Aigúl Chýkaevanyń aitýynsha, 18 sáýir – Halyqaralyq eskertkishterdi qorǵaý kúni.
– Búgin biz saiabaq aýmaǵyn tazalap jatyrmyz. Jambyl saiabaǵy -mádeniet tarihy, bul bizdiń muramyz. Biz bárimiz aktsiiany qoldaimyz jáne barlyq azamattardy, qala turǵyndaryn senbilikke atsalysýǵa shaqyramyz. Eger bárimiz aýlalar men kóshelerdi tazalaýǵa jumylsaq, bizdiń qala taza bolady, - dedi Aigúl Chýkaeva.
Aita keteiik, respýblikalyq aktsiia mamyr aiynyń ortasyna deiin jalǵasady, «Taza ólke» dep atalǵan alǵashqy aptada kósheler men aýlala tazartylsa, «Kieli meken» atty ekinshi aptalyq tarihi-mádeni eskertkishter aýmaǵyn abattandyrýǵa arnaldy.
