مەملەكەتتٸك مەكەمەلەردٸڭ جەنە مەدەنيەت سالاسىنىڭ قىزمەتكەرلەرٸ «تازا قازاقستان» اكتسيياسى اياسىندا ەستافەتانى قابىلدادى, دەپ حابارلايدى Dalanews.kz.
ولار بٷگٸن جامبىل ساياباعىن قوقىس پەن جاپىراقتان تازالادى.
شقو تاريحي-مەدەني مۇرانى قورعاۋ مەكەمەسٸنٸڭ بٶلٸم مەڭگەرۋشٸسٸ ايگٷل چۋكاەۆانىڭ ايتۋىنشا, 18 سەۋٸر – حالىقارالىق ەسكەرتكٸشتەردٸ قورعاۋ كٷنٸ.
– بٷگٸن بٸز ساياباق اۋماعىن تازالاپ جاتىرمىز. جامبىل ساياباعى -مەدەنيەت تاريحى, بۇل بٸزدٸڭ مۇرامىز. بٸز بەرٸمٸز اكتسييانى قولدايمىز جەنە بارلىق ازاماتتاردى, قالا تۇرعىندارىن سەنبٸلٸككە اتسالىسۋعا شاقىرامىز. ەگەر بەرٸمٸز اۋلالار مەن كٶشەلەردٸ تازالاۋعا جۇمىلساق, بٸزدٸڭ قالا تازا بولادى, - دەدٸ ايگٷل چۋكاەۆا.
ايتا كەتەيٸك, رەسپۋبليكالىق اكتسييا مامىر ايىنىڭ ورتاسىنا دەيٸن جالعاسادى, «تازا ٶلكە» دەپ اتالعان العاشقى اپتادا كٶشەلەر مەن اۋلالا تازارتىلسا, «كيەلٸ مەكەن» اتتى ەكٸنشٸ اپتالىق تاريحي-مەدەني ەسكەرتكٸشتەر اۋماعىن اباتتاندىرۋعا ارنالدى.
