استانادا بولعان قايعىلى جول اپاتىنان كەيٸن بلوگەر نۇربولات ازيلوۆ اۋىر جٷك كٶلٸكتەرٸنە قاتىستى تالاپتى كٷشەيتۋدٸ سۇرادى. ول ميكسەر مەن كاماز جٷرگٸزۋشٸلەرٸنٸڭ جىلدامدىقتى جيٸ اسىراتىنىن ايتىپ, پوليتسييا دەپارتامەنتٸنە ٷندەۋ جاسادى, دەپ حابارلايدى dalanews.kz.
ايتۋىنشا, مۇنداي كٶلٸكتەردٸڭ جٷرگٸزۋشٸلەرٸ كٶبٸنە ۋاقىتپەن جۇمىس ٸستەيتٸندٸكتەن, اسىعىس جٷرەدٸ. بلوگەردٸڭ سٶزٸنشە, ەسٸرەسە ميكسەر مەن اۋىر جٷك كٶلٸكتەرٸ قالا ٸشٸندە جەڭٸل كٶلٸك سەكٸلدٸ جىلدام قوزعالىپ, قاۋٸپتٸ جاعداي تۋعىزادى.
“كەشە عانا قايعىلى جاعداي بولدى. بالالاردىڭ ٶمٸرٸ بەرٸمٸز ٷشٸن ماڭىزدى. استانادا اۋىر جٷك كٶلٸكتەرٸ ٶتە قاتتى جٷرەدٸ. كەيدە اۆتوبۋس جولاعىمەن دە وزىپ ٶتەتٸنٸن كٶرەمٸز. وسىنداي اسىعىستىقتىڭ سالدارىنان جول-كٶلٸك وقيعالارى كٶبەيٸپ جاتىر”, – دەدٸ ول.
سونداي-اق ازيلوۆ قالاداعى بارلىق اۋىر جٷك كٶلٸكتەرٸنە ساعاتىنا 40 شاقىرىم جىلدامدىق شەكتەۋٸن ەنگٸزۋدٸ ۇسىندى. ونىڭ پٸكٸرٸنشە, بەلگٸلەنگەن تالاپتى ٶرەسكەل بۇزعان جٷرگٸزۋشٸلەرگە قاتاڭ جازا قولدانۋ قاجەت.
بلوگەر اۋىر تەحنيكانى تەجٸريبەلٸ ەرٸ تەرتٸپ ساقتايتىن جٷرگٸزۋشٸلەرگە عانا سەنٸپ تاپسىرۋ كەرەگٸن ايتتى. سونىمەن قاتار اتا-انالاردى بالالارعا جول قاۋٸپسٸزدٸگٸ تۋرالى جيٸ ەسكەرتۋ جاساۋعا شاقىردى.
“بالالار جاياۋ جٷرگٸنشٸلەر جولاعىنان اسىقپاي ٶتسٸن. بٸر سەتتٸك نەمقۇرايلىلىق ورنى تولماس قايعىعا ەكەلۋٸ مٷمكٸن”, – دەدٸ ول.
