Májilis depýtaty Rinat Zaiyt Qazaqstanda kópáiel alýdy zańdastyrý bastamasyna qarsy pikir bildirdi, dep habarlaidy Dalanews.kz.
Depýtat áriptesi Abzal Quspannyń bul usynysyn qoldamaitynyn aitty.
“Eger qoǵamda bar nárseniń bárin zańdastyra bersek, onyń sońy túsiniksiz jaǵdaiǵa alyp keledi. Men buǵan qarsymyn”, - dedi depýtat.
Eske salaiyq, buǵan deiin Májilis depýtaty Abzal Quspan atalǵan máselege qatysty pikir bildirgen edi. Onyń aitýynsha, elde eki áiel alýǵa zań júzinde tyiym salynǵanymen, shyn máninde jaǵdaiy bar er azamattardyń kóbiniń ekinshi áieli bar.
Depýtattyń sózinshe, qoǵamda bul qubylys keń taraǵandyqtan, ony zańmen retteý qajet.
“Qubylys retinde buǵan qarsymyn. Biraq toqtatyp jatqan eshkim joq. Sondyqtan toqaldyqty zańdastyryp, zań aiasynda retteý kerek dep sanaimyn”, – degen edi Abzal Quspan.
