Qyzylorda oblysy ákimi Nurlybek Nálibaevtyń qatysýymen Qazaqstan Respýblikasynyń Konstitýtsiia kúnine orai Shieli aýdanynda 30 tósektik juqpaly aýrýlar bólimshesi ǵimaratynyń ashylý rásimi ótti. Jiynǵa Parlament Senaty men Májilisiniń depýtattary Naýryzbai Baiqadamov, Rýslan Rústemov, Murat Ábenov, Murat Ergeshbaev, oblys prokýrory Rizabek Ojarov jáne ziialy qaýym ókilderi qatysty.
Aimaq basshysy jańa nysannyń aýdan jurtshylyǵyna sapaly meditsinalyq kómek kórsetýdegi jetekshi bólimshege ainalýyna tilektestigin bildirdi.
«Barshańyzdy elimiz úshin aitýly mereke aldaǵy Konstitýtsiia kúnimen quttyqtaimyn!
Sońǵy úsh jylda oblystyń densaýlyq saqtaý salasyna 441 mlrd. 700 mln. teńge qarjy bólinip, halyqtyń suranysyna sáikes túitkildi máseleler sheshimin taýyp keledi.
Prezidentimizdiń bastamasymen qolǵa alynǵan «Aýylda densaýlyq saqtaýdy jańǵyrtý» ulttyq jobasy aiasynda barlyq aýdanda 28 meditsinalyq nysan salyndy. Onyń 8-i Shieli aýdanynda.
Salany damytýǵa biýdjetten tys resýrstar da tartylǵan. Biz «Qazaqstan halqyna» qoǵamdyq qorymen turaqty áriptestik bailanystamyz. Qor sońǵy eki jylda óńirdiń densaýlyq saqtaý salasyna 5 mlrd. teńgege jýyq qarjy baǵyttady. Bul qarjyǵa sirek kezdesetin dertke shaldyqqan jerlesterimizge qajetti dári-dármek satyp alyndy. Oblystyq onkologiia ortalyǵyna quny 1 mlrd. 100 mln. teńge turatyn, respýblika boiynsha 3 oblysta ǵana bar skrining júrgizýge arnalǵan jyljymaly meditsinalyq keshen tabystady. Keshen búginde shalǵai eldi mekenderdegi turǵyndarǵa úzdiksiz qyzmet etedi.
Paidalanylmai bos turǵan ǵimarattardy qaita jańǵyrtyp, densaýlyq saqtaý salasynyń qajettiligine tiimdi paidalanýǵa baǵyttalǵan jumys qarqyndy júrgizilýde. Byltyr Jańaqorǵan aýdanynda bos turǵan burynǵy aýdandyq aýrýhana ǵimaraty qaita jańǵyrtylyp, «Qamqorlyq» balalardy ońaltý ortalyǵy ashyldy. Buǵan jergilikti biýdjetten 378 mln. teńge jumsaldy. Kúni keshe dál osyndai ortalyq Aral aýdanynda da jumysyn bastady. Bul maqsatqa oblystyq biýdjetten 338 mln. 800 myń teńge bólinip, ǵimarat qaita jańǵyrtyldy. Qor qajetti zamanaýi qural-jabdyqtarǵa 350 mln. teńge bóldi. Ortalyqta jylyna 600-ge jýyq balany ońaltýǵa múmkindik bar.
Osyndai igi istiń jalǵasy retinde quny 2 mlrd. 323 mln. teńge bolatyn 30 tósektik juqpaly aýrýlar bólimshesiniń jańa ǵimaratyn saltanatty túrde ashýǵa bas qostyq.
Qazir aýdandyq aýrýhana janynan 733 mln. teńgege qosymsha ǵimarat salynyp, onda 650 mln. teńgeniń jańa MRT apparaty ornatylýda.
Shieli kentindegi «Bolashaq» dárigerlik ambýlatoriiasy kúrdeli jóndeýden ótti.
Zamanaýi talaptarǵa sai jabdyqtalǵan bul nysandar turǵyndarǵa sapaly meditsinalyq kómek kórsetýge, halyqtyń turmys sapasyn arttyrýǵa zor múmkindik beredi.
Aldaǵy ýaqytta halyq densaýlyǵyn jaqsartýǵa baǵyttalǵan jobalardy qoldaý, meditsina salasyndaǵy eń mańyzdy máselelerdi sheshý jalǵasyn taba bermek», - dedi N.Nálibaev.
Rásimde Naýryzbai Baiqadamov, Murat Ergeshbaev, Rizabek Ojarov sóz sóilep, aýdannyń áleýmettik-ekonomikalyq damýyna úles qosqan azamattar men qurylysshylar aimaqtyń Qyzylorda oblysynyń Qurmet gramotasymen jáne oblys ákiminiń Alǵys hatymen marapattaldy. Densaýlyq saqtaý salasynyń ardageri, Shieli aýdanynyń qurmetti azamaty Ybyrai Ahmetov bata berdi.
Jumys sapary kezinde aimaq basshysy aýdandyq aýrýhananyń qosymsha ǵimaratyna, kúrdeli jóndeýden ótken «Bolashaq» dárigerlik ambýlatoriiasyna bardy. Aýdandyq aýrýhananyń 2 qabatty ǵimaratynyń qurylysy ótken jyldyń qyrkúiek aiynda bastalyp, biyl shildede paidalanýǵa berildi. Al ambýlatoriianyń kúrdeli jóndeý jumystary 3 ai júrgizildi.
Eske salaiyq, oblys ortalyǵynda emhanasy men onkologiialyq bólimshesi bar 300 oryndyq kópbeiindi aýrýhana qurylysy qarqyndy júrgizilýde.
Jyl basynda Jańaqorǵan aýdany Tómenaryq aýylynda dárigerlik ambýlatoriiasymen qosa 15 tósektik aýyldyq aýrýhana, Aral aýdany Sekseýil kentinde 40 tósek-orynǵa arnalǵan aýrýhana paidalanýǵa berildi.
«Aýyl – el besigi» baǵdarlamasymen Qyzylorda qalasynyń Baimurat batyr eldi mekeninde dárigerlik ambýlatoriia, Dosan eldi mekeninde meditsinalyq beket el igiligine tabystaldy. Osylaisha aýyldardaǵy meditsinalyq- sanitariialyq alǵashqy kómek kórsetý uiymdary ǵimarattaryn normativke sáikes etip salý máselesi tolyǵymen sheshildi.
Qaitarylǵan aktivter esebinen 7 mlrd. teńgege 4 aýdandaǵy ortalyq aýrýhanalar janynan jańa ǵimarattar salynýda.
Ana men bala ómirin qorǵaý maqsatynda kópbeiindi oblystyq aýrýhana bazasynda jańa MRT apparaty iske qosylyp, 70 oryndyq perinataldyq bólim ashyldy.
Ótken jyldan beri 17 meditsinalyq nysan kúrdeli jóndeýden ótkizilip, 44 ǵimarattyń jylý júiesi gazǵa aýystyryldy. Biyl da meditsinalyq qural-jabdyqtar satyp alynýda. Bul jumystyń jyl saiyn júrgizilgeniniń arqasynda jabdyqtalý deńgeii 2022 jyly 83,2 paiyz bolsa, búginde bul kórsetkish 87,4 paiyzǵa artty.
Jergilikti biýdjetten 225 jańa sanitarlyq avtokólik bir mezette alynyp, eldi mekenderdegi barlyq densaýlyq saqtaý uiymyna tabystaldy. Osylaisha sanitarlyq avtokólikpen qamtý máselesi tolyq sheshimin tapty.
