Jalpyulttyq Koalitsiianyń bastamasy aiasynda qurylǵan óńirlik koalitsiianyń búgin alǵashqy otyrysy ótip, oǵan saiasi partiialardyń óńirlik filialdary tóraǵalary, qoǵamdyq uiymdar, ziialy qaýym, máslihat depýtattary, sarapshylar, qoǵam belsendileri, azamattyq sektor men jastar ókilderi jáne Konstitýtsiialyq reforma jónindegi komissiianyń músheleri qatysty, dep habarlaidy Dala News.
Otyrysta sóz alǵandar jańa Konstitýtsiia jobasy Qýatty ári Ádiletti Qazaqstandy qalyptastyrýdyń berik negizi bolatynyn, sondai-aq saiasi júieniń qurylymyn qoǵamnyń zamanaýi talaptaryna sáikes túbegeili jańartatynyn atap ótti.
«Jańa Konstitýtsiia jobasy – eldegi saiasi jańǵyrýlardyń zańdy ári kezeń-kezeńimen júzege asyp kele jatqan reformalardyń jalǵasy. Bul qujat memlekettilikti nyǵaityp qana qoimai, bilik pen qoǵam arasyndaǵy ózara jaýapkershilikti kúsheitedi, azamattardyń sheshim qabyldaý úderisine belsendi aralasýyna jol ashady. Negizgi qundylyq – adam jáne onyń quqyqtary men bostandyqtary. Sondyqtan Ata Zań halyqtyń múddesine qyzmet etetin, ádiletti ári ashyq qoǵam qalyptastyrýǵa baǵyttalǵan naqty ári tiimdi tetikterdi qamtýy tiis. Sonymen qatar, Konstitýtsiialyq ózgerister zań ústemdigin qamtamasyz etýge, memlekettik institýttardyń ashyqtyǵy men eseptiligin arttyrýǵa, qoǵamdaǵy senim mádenietin ornyqtyrýǵa negiz bolady. Bul bastamalar el birligin bekemdep, áleýmettik turaqtylyq pen ornyqty damýǵa berik negiz qalaidy. Bizdiń basty mindetimiz – osy ózgeristerdiń máni men mańyzyn óńir turǵyndaryna jan-jaqty túsindirip, olardyń pikirin eskerý arqyly qoǵamdyq dialogty kúsheitý», – dedi «AMANAT» partiiasy oblystyq filialynyń tóraǵasy, oblystyq Koalitsiia jetekshisiniń orynbasary Jandos Bazartai.
Jiyn barysynda Konstitýtsiialyq reforma jónindegi komissiianyń múshesi, Qyzylorda oblystyq máslihatynyń tóraǵasy, oblystyq koalitsiia tóraǵasynyń orynbasary Murat Tleýmbetov, «Aq jol» Qazaqstan Demokratiialyq partiiasy Qyzylorda oblystyq filialynyń tóraǵasy Baýyrjan Sandybaev, «Aýyl» partiiasy Qyzylorda oblystyq filialynyń apparat basshysy Dinara Ibadýllaeva, «Respublica» partiiasy Qyzylorda oblystyq filialynyń tóraǵasy Dáýren Seitjanov, «Qazaqstan Halyq partiiasy» Qyzylorda oblystyq filialynyń múshesi Talǵat Teleýbaev, ziialy qaýym jáne azamattyq sektor ókilderi pikir bildirip, Jańa Konstitýtsiia jobasy eldiń saiasi júiesin jańǵyrtýǵa, áleýmettik kepildikterdi kúsheitýge, kásipkerlikke qolaily orta qalyptastyrýǵa, ǵylym men mádenietti jáne ulttyq qundylyqtardy órkendetýge baǵyttalǵan uzaqmerzimdi strategiialyq maqsattarmen tolyq úndesetinin atap ótti.
Sondai-aq, eldiń institýtsionaldyq turǵydan jańa sapalyq kezeńge qadam basqany aityldy. «Kúshti Prezident – yqpaldy Parlament – esep beretin Úkimet» qaǵidaty is júzinde bekip, bilik tarmaqtary arasyndaǵy tepe-teńdik nyǵaia tústi. Konstitýtsiialyq baqylaý tetikteri jetildirilip, zańsyz iemdengen aktivterdi memleket menshigine qaitarý jumystary júrgizilýde, ulttyq resýrstardy ádil bólý ustanymy kúsheitilýde. Barlyq sheshimder ádildik, teńdik jáne keler urpaq aldyndaǵy jaýapkershilik qaǵidattaryna súienetini erekshe ataldy.
Qatysýshylardyń aitýynsha, Jańa Negizgi zań qoǵamdaǵy tereń ózgeristerge, dúnietanymy jańarǵan ári memleketke joǵary talap qoiatyn jańa býynnyń suranysyna jaýap retinde qabyldanýda. Bul úmitterdiń túp-tórkini – adaldyq, zań ústemdigi, adam qadir-qasietin qurmetteý jáne quqyqtarǵa berik kepildik ornatý. Jańa Konstitýtsiia dál osy qoǵamdyq qajettilikterge naqty ári mazmundy jaýap beredi.
Aita ketý qajet, qoǵamnyń ártúrli áleýmettik toptaryn ortaq qundylyqtar tóńiregine toptastyryp, el damýynyń jańa kezeńine birlese qadam basýdy maqsat etken Jalpyulttyq koalitsiia – keń aýqymdy qoǵamdyq alańǵa ainaldy. Onyń quramyna eldegi bes jetekshi saiasi partiiamen qatar, myńdaǵan azamattyń múddesin bildiretin 300-den astam qoǵamdyq uiym endi. Bul – bastamanyń keń qoǵamdyq qoldaýǵa ie ekenin kórsetetin mańyzdy kórsetkish. Osynyń jalǵasy retinde oblysta saiasi partiialardyń óńirlik filialdary men qoǵamdyq uiymdar jalpy quramy 349 azamattan turatyn aimaqtyq jáne aýmaqtyq koalitsiialar quryldy. Olardyń janynda belsendi úgit-nasihat jumystaryn uiymdastyrýǵa arnalǵan 200-den asa Eriktiler qyzmet atqarady. Koalitsiianyń aldaǵy kezeńge arnalǵan 695 is-sharadan turatyn keshendi jumys jospary ázirlengen. Jospar aiasynda turǵyndarmen kezdesýler, túsindirý jumystary, qoǵamdyq talqylaýlar jáne ashyq dialog alańdary uiymdastyrylady. Bul formattar arqyly óńir jurtshylyǵyna jańa Konstitýtsiia jobasynda usynylǵan ózgerister jan-jaqty túsindirilip, azamattardyń pikirin tyńdaýǵa jáne ashyq oi almasýǵa basymdyq berilmek.
