Mashina jasaý salasy ózge baǵyttarmen salystyrǵanda eń joǵary ósim kórsetti. Bul elde kúrdeli ári tehnologiialyq óndiristerdiń kúsheiip kele jatqanyn ańǵartady, dep habarlaidy Dalanews.kz Zakon.kz-ke silteme jasap.
Sandar sóileidi
Máselen, mashina jasaý birden 21,9%-ǵa ósti. Ásirese, avtokólik óndirisindegi ósim – 29,6%, al elektr jabdyqtaryn óndirý – 31,3%-ǵa artqany nazar aýdararlyq.
Sarapshylardyń málimetinshe, QAO jáne Ulttyq statistika biýrosy derekterine súiensek, 2025 jyly jańa avtokólikter naryǵy 14,4%-ǵa ósip, qatarynan ekinshi jyl 200 myńnan astam kólik satylǵan. Onyń 69%-y – otandyq óndiris ónimderi.
Mamandardyń aitýynsha, kúrdeli tehnologiialyq óndiristerdiń damýy ekonomikaǵa uzaqmerzimdi áser beredi. Sebebi bul baǵyt jańa jumys oryndaryn ashýmen qatar, qosalqy bólshekterge, logistika men servistik qyzmetterge suranysty arttyrady. Sonymen birge bul el ekonomikasynyń birtindep shikizat modelinen alystap kele jatqanyn kórsetedi.
Osyǵan bailanysty respýblika qol jetkizgen nátijelermen toqtap qalmaidy. 2026 jylǵy 2 sáýirde ótken mashina jasaýshylar forýmynda Azamat Panbaev saladaǵy qoldaý sharalaryn qaita qaraý josparlanyp otyrǵanyn málimdedi.
Onyń aitýynsha, mashina jasaý salasyn damytýǵa qatysty zańnamany jetildirý jónindegi zań jobasy qazirgi tańda Májiliste qaralyp jatyr.
«Qoldaý quraldary qaita qaralýda. Memleket óńdeý tereńdigine, jobanyń aýqymy men qarjylyq-ekonomikalyq kórsetkishterine qarai maqsatty túrde usynylatyn tetikterdi ázirlep jatyr», – dedi Panbaev.
Al investitsiia kólemine kelsek, sol forýmda Álibek Qýantyrov korei jáne amerikalyq iri kompaniialardyń Qazaqstanda avtokólik bólshekterin óndirýge qyzyǵýshylyq tanytyp otyrǵanyn aitty.
Salystyrý úshin, 2000-jyldardyń basynda Qazaqstanǵa tartylǵan tikelei sheteldik investitsiialardyń 75%-y munai-gaz jáne metallýrgiia salalaryna baǵyttalsa, búginde bul kórsetkish 30-35%-ǵa deiin tómendegen. Al qarjy aǵynynyń edáýir bóligi mashina jasaý salasyna bet burǵan. Qazir bul sektorda 5 myńnan astam kompaniia jumys isteidi, bul – oń úrdis.
Sondai-aq buǵan deiin amerikalyq jáne koreilik kompaniialar arasynda niet týraly kelisimge qol qoiylǵan. Eger aliýminii diskilerin Qazaqstanda óndirý jobasy iske assa, taraptar yntymaqtastyqty tereńdetip, ózge de bólshekterdi shyǵarýǵa qyzyǵýshylyq tanytýy múmkin.
Budan bólek, 2027 jylǵa qarai metall ónimderiniń túrleri eki esege deiin artýy yqtimal.
«Sonymen qatar ónerkásiptik kooperatsiia men klasterleý damyp keledi, jumys istep turǵan kásiporyndarda ónimdi paidalaný aiasy keńeiýde. Qazirdiń ózinde bolattyń jekelegen túrleri avtokólik óndirisinde qoldanylyp jatyr», – dedi Oljas Saparbekov.
Aita keteiik, eldegi jetekshi avtokólik óndirýshilerdiń biri – Allur kompaniiasy. Kásiporyn 22 jyldan beri salany júieli túrde damytyp keledi. Ol Kia, Chevrolet, JAC, Jetour, Skoda, Geely Galaxy jáne Li Auto siiaqty tanymal brendterdiń resmi distribiýtory ári dileri bolyp tabylady.
Máselen, ótken jyldyń qorytyndysy boiynsha Qostanaidaǵy zaýyt 92 myńnan astam avtokólik shyǵarǵan. Qazaqstan naryǵyndaǵy Allur úlesi 54%-dy qurap, kompaniianyń indýstriialyq draiver retindegi mártebesin taǵy bir márte dáleldedi.
2025 jyly kásiporyn modeldik qataryn keńeitip, Jetour X70 PLUS krossoveriniń usaq toraptyq óndirisin, sondai-aq Geely Galaxy EX5 EM-i gibridti modelin – Qazaqstanda shyǵarylǵan alǵashqy gibridti avtokólikti iske qosty.
Al biylǵy naýryzda kompaniia taǵy bir jaǵymdy jańalyqpen bólisti – MG (Morris Garages) avtokólikterin jergilikti óndiris pen satýdy bastady.
Bul joba SAIC Motor kompaniiasymen strategiialyq seriktestiktiń jalǵasy boldy. Yntymaqtastyq týraly kelisim 2025 jyly Shanhaidaǵy 21-shi halyqaralyq avtosalonda jasalǵan.
Sáýir aiynyń basynda Almatyda MG Allur jańa dilerlik ortalyǵynyń saltanatty ashylýy ótti. Is-sharaǵa Qytaidan arnaiy qonaqtar kelgen.
Jańa dilerlik ortalyq MG brendiniń jahandyq standarttaryna tolyq sáikes keledi. Munda klientter modeldermen tanysyp, test-draiv jasap, servistik jáne kepildikten keiingi qyzmetterdi paidalana alady. Bul joba tutynýshylarǵa kórsetiletin qyzmet sapasyn arttyryp, MG avtokólikteriniń qoljetimdiligin keńeitedi.
Qazirgi tańda Allur Qazaqstan boiynsha Almaty, Astana, Shymkent, Qaraǵandy, Qostanai, Pavlodar, Semei, Kókshetaý jáne Aqtóbe qalalarynda 10 dilerlik ortalyqtan turatyn jelini damytyp otyr.
Jyl sońyna deiin bul jelini 24 ortalyqqa deiin keńeitý josparlanǵan.
