ماشينا جاساۋ سالاسى ٶزگە باعىتتارمەن سالىستىرعاندا ەڭ جوعارى ٶسٸم كٶرسەتتٸ. بۇل ەلدە كٷردەلٸ ەرٸ تەحنولوگييالىق ٶندٸرٸستەردٸڭ كٷشەيٸپ كەلە جاتقانىن اڭعارتادى, دەپ حابارلايدى Dalanews.kz Zakon.kz-كە سٸلتەمە جاساپ.
ساندار سٶيلەيدٸ
مەسەلەن, ماشينا جاساۋ بٸردەن 21,9%-عا ٶستٸ. ەسٸرەسە, اۆتوكٶلٸك ٶندٸرٸسٸندەگٸ ٶسٸم – 29,6%, ال ەلەكتر جابدىقتارىن ٶندٸرۋ – 31,3%-عا ارتقانى نازار اۋدارارلىق.
ساراپشىلاردىڭ مەلٸمەتٸنشە, قاو جەنە ۇلتتىق ستاتيستيكا بيۋروسى دەرەكتەرٸنە سٷيەنسەك, 2025 جىلى جاڭا اۆتوكٶلٸكتەر نارىعى 14,4%-عا ٶسٸپ, قاتارىنان ەكٸنشٸ جىل 200 مىڭنان استام كٶلٸك ساتىلعان. ونىڭ 69%-ى – وتاندىق ٶندٸرٸس ٶنٸمدەرٸ.
مامانداردىڭ ايتۋىنشا, كٷردەلٸ تەحنولوگييالىق ٶندٸرٸستەردٸڭ دامۋى ەكونوميكاعا ۇزاقمەرزٸمدٸ ەسەر بەرەدٸ. سەبەبٸ بۇل باعىت جاڭا جۇمىس ورىندارىن اشۋمەن قاتار, قوسالقى بٶلشەكتەرگە, لوگيستيكا مەن سەرۆيستٸك قىزمەتتەرگە سۇرانىستى ارتتىرادى. سونىمەن بٸرگە بۇل ەل ەكونوميكاسىنىڭ بٸرتٸندەپ شيكٸزات مودەلٸنەن الىستاپ كەلە جاتقانىن كٶرسەتەدٸ.
وسىعان بايلانىستى رەسپۋبليكا قول جەتكٸزگەن نەتيجەلەرمەن توقتاپ قالمايدى. 2026 جىلعى 2 سەۋٸردە ٶتكەن ماشينا جاساۋشىلار فورۋمىندا ازامات پانباەۆ سالاداعى قولداۋ شارالارىن قايتا قاراۋ جوسپارلانىپ وتىرعانىن مەلٸمدەدٸ.
ونىڭ ايتۋىنشا, ماشينا جاساۋ سالاسىن دامىتۋعا قاتىستى زاڭنامانى جەتٸلدٸرۋ جٶنٸندەگٸ زاڭ جوباسى قازٸرگٸ تاڭدا مەجٸلٸستە قارالىپ جاتىر.
«قولداۋ قۇرالدارى قايتا قارالۋدا. مەملەكەت ٶڭدەۋ تەرەڭدٸگٸنە, جوبانىڭ اۋقىمى مەن قارجىلىق-ەكونوميكالىق كٶرسەتكٸشتەرٸنە قاراي ماقساتتى تٷردە ۇسىنىلاتىن تەتٸكتەردٸ ەزٸرلەپ جاتىر», – دەدٸ پانباەۆ.
ال ينۆەستيتسييا كٶلەمٸنە كەلسەك, سول فورۋمدا ەلٸبەك قۋانتىروۆ كورەي جەنە امەريكالىق ٸرٸ كومپانييالاردىڭ قازاقستاندا اۆتوكٶلٸك بٶلشەكتەرٸن ٶندٸرۋگە قىزىعۋشىلىق تانىتىپ وتىرعانىن ايتتى.
سالىستىرۋ ٷشٸن, 2000-جىلداردىڭ باسىندا قازاقستانعا تارتىلعان تٸكەلەي شەتەلدٸك ينۆەستيتسييالاردىڭ 75%-ى مۇناي-گاز جەنە مەتاللۋرگييا سالالارىنا باعىتتالسا, بٷگٸندە بۇل كٶرسەتكٸش 30-35%-عا دەيٸن تٶمەندەگەن. ال قارجى اعىنىنىڭ ەدەۋٸر بٶلٸگٸ ماشينا جاساۋ سالاسىنا بەت بۇرعان. قازٸر بۇل سەكتوردا 5 مىڭنان استام كومپانييا جۇمىس ٸستەيدٸ, بۇل – وڭ ٷردٸس.
سونداي-اق بۇعان دەيٸن امەريكالىق جەنە كورەيلٸك كومپانييالار اراسىندا نيەت تۋرالى كەلٸسٸمگە قول قويىلعان. ەگەر اليۋمينيي ديسكٸلەرٸن قازاقستاندا ٶندٸرۋ جوباسى ٸسكە اسسا, تاراپتار ىنتىماقتاستىقتى تەرەڭدەتٸپ, ٶزگە دە بٶلشەكتەردٸ شىعارۋعا قىزىعۋشىلىق تانىتۋى مٷمكٸن.
بۇدان بٶلەك, 2027 جىلعا قاراي مەتالل ٶنٸمدەرٸنٸڭ تٷرلەرٸ ەكٸ ەسەگە دەيٸن ارتۋى ىقتيمال.
«سونىمەن قاتار ٶنەركەسٸپتٸك كووپەراتسييا مەن كلاستەرلەۋ دامىپ كەلەدٸ, جۇمىس ٸستەپ تۇرعان كەسٸپورىنداردا ٶنٸمدٸ پايدالانۋ اياسى كەڭەيۋدە. قازٸردٸڭ ٶزٸندە بولاتتىڭ جەكەلەگەن تٷرلەرٸ اۆتوكٶلٸك ٶندٸرٸسٸندە قولدانىلىپ جاتىر», – دەدٸ ولجاس ساپاربەكوۆ.
ايتا كەتەيٸك, ەلدەگٸ جەتەكشٸ اۆتوكٶلٸك ٶندٸرۋشٸلەردٸڭ بٸرٸ – Allur كومپانيياسى. كەسٸپورىن 22 جىلدان بەرٸ سالانى جٷيەلٸ تٷردە دامىتىپ كەلەدٸ. ول Kia, Chevrolet, JAC, Jetour, Skoda, Geely Galaxy جەنە Li Auto سيياقتى تانىمال برەندتەردٸڭ رەسمي ديستريبيۋتورى ەرٸ ديلەرٸ بولىپ تابىلادى.
مەسەلەن, ٶتكەن جىلدىڭ قورىتىندىسى بويىنشا قوستانايداعى زاۋىت 92 مىڭنان استام اۆتوكٶلٸك شىعارعان. قازاقستان نارىعىنداعى Allur ٷلەسٸ 54%-دى قۇراپ, كومپانييانىڭ يندۋسترييالىق درايۆەر رەتٸندەگٸ مەرتەبەسٸن تاعى بٸر مەرتە دەلەلدەدٸ.
2025 جىلى كەسٸپورىن مودەلدٸك قاتارىن كەڭەيتٸپ, Jetour X70 PLUS كروسسوۆەرٸنٸڭ ۇساق توراپتىق ٶندٸرٸسٸن, سونداي-اق Geely Galaxy EX5 EM-i گيبريدتٸ مودەلٸن – قازاقستاندا شىعارىلعان العاشقى گيبريدتٸ اۆتوكٶلٸكتٸ ٸسكە قوستى.
ال بيىلعى ناۋرىزدا كومپانييا تاعى بٸر جاعىمدى جاڭالىقپەن بٶلٸستٸ – MG (Morris Garages) اۆتوكٶلٸكتەرٸن جەرگٸلٸكتٸ ٶندٸرٸس پەن ساتۋدى باستادى.
بۇل جوبا SAIC Motor كومپانيياسىمەن ستراتەگييالىق سەرٸكتەستٸكتٸڭ جالعاسى بولدى. ىنتىماقتاستىق تۋرالى كەلٸسٸم 2025 جىلى شانحايداعى 21-شٸ حالىقارالىق اۆتوسالوندا جاسالعان.
سەۋٸر ايىنىڭ باسىندا الماتىدا MG Allur جاڭا ديلەرلٸك ورتالىعىنىڭ سالتاناتتى اشىلۋى ٶتتٸ. ٸس-شاراعا قىتايدان ارنايى قوناقتار كەلگەن.
جاڭا ديلەرلٸك ورتالىق MG برەندٸنٸڭ جاھاندىق ستاندارتتارىنا تولىق سەيكەس كەلەدٸ. مۇندا كليەنتتەر مودەلدەرمەن تانىسىپ, تەست-درايۆ جاساپ, سەرۆيستٸك جەنە كەپٸلدٸكتەن كەيٸنگٸ قىزمەتتەردٸ پايدالانا الادى. بۇل جوبا تۇتىنۋشىلارعا كٶرسەتٸلەتٸن قىزمەت ساپاسىن ارتتىرىپ, MG اۆتوكٶلٸكتەرٸنٸڭ قولجەتٸمدٸلٸگٸن كەڭەيتەدٸ.
قازٸرگٸ تاڭدا Allur قازاقستان بويىنشا الماتى, استانا, شىمكەنت, قاراعاندى, قوستاناي, پاۆلودار, سەمەي, كٶكشەتاۋ جەنە اقتٶبە قالالارىندا 10 ديلەرلٸك ورتالىقتان تۇراتىن جەلٸنٸ دامىتىپ وتىر.
جىل سوڭىنا دەيٸن بۇل جەلٸنٸ 24 ورتالىققا دەيٸن كەڭەيتۋ جوسپارلانعان.
