«Ádilet» saıası partıasynyń qurylýy týraly jańalyq qoǵamda keń talqylanyp jatqan taqyryptardyń birine aınaldy. Bastamashyl toptyń uıymdastyrý komıtetin qurý týraly málimdemesinen keıin, azamattar áleýmettik jelilerde jańa partıaǵa qosylýǵa degen qyzyǵýshylyq pen nıet bildirýde, dep habarlaıdy Dalanews.kz.

Áleýmettik jelilerdegi pikirlerge qaraǵanda, partıaǵa qosylýǵa nıet bildirgenderdiń arasynda jastar kóp, olar partıa arqyly eldi basqarýǵa qatysý úshin naqty múmkindik kórip, onyń bolashaǵyna úlken úmit artyp otyr.

Jas qazaqstandyqtar «Ádilet» partıasynyń ádil joldy ustanbaq nıetin erekshe atap ótýde. Azamattardyń qalaýy bir: óz oıyn bildirip jatqan kópshiliktiń aıtýynsha, elge jańa saıası mádenıet qajet, al ádildik kúndelikti tájirıbege aınalýy tıis.

Partıaǵa múshe bolýǵa daıyn ekenin bildirip jatqan azamattar kóp jáne de olar ár túrli áleýmettik toptardyń ókilderi – kásipkerler men stýdentterden bastap, tanymal tulǵalarǵa deıin.

Qazaqstandyqtar «Ádilet» partıasyna eldiń jańa Konstıtýsıasy aıasynda árbir azamattyń múddesin qorǵap, múmkindikterdiń teńdigin qamtamasyz etetin uıym retinde úlken úmit artyp jatyr. Áleýmettik jelilerdegi pikirlerge júrgizilgen taldaýdyń nátıjesi «partıaǵa qosylý úshin qaıda qońyraý shalýǵa bolady?» degen suraqtyń jıi kezdesip jatqanyn anyqtady.

Eske sala keteıik, 16 sáýirde «Ádilet» partıasynyń uıymdastyrý komıteti bastamashyl toptyń atynan 700-den astam Qazaqstan Respýblıkasynyń azamattarynan turatyn ótinishti Ádilet mınıstrligine resmı túrde tapsyrdy, barlyq qajetti qujattarmen birge saıası partıa qurý týraly habarlama da jiberildi.

«Ádilet» partıasynyń uıymdastyrý komıteti resmı túrde qyzmetin bastap, partıanyń quryltaı sezin ótkizý boıynsha daıyndyq jumystaryna kiristi.