S. Seifýllin atyndaǵy Qazaq agrotehnikalyq zertteý ýniversitetinde bos jumys oryndary jármeńkesi ótti, dep habarlaidy Dala News.
Is-shara qala ákimdiginiń qoldaýymen uiymdastyrylyp, júzdegen jumys izdeýshi men elordanyń jetekshi kompaniia ókilderin bir alańǵa jinady.
Jármeńke jumys berýshiler men jas mamandar arasyndaǵy tikelei dialogqa múmkindik berdi. Uiymdastyrýshylardyń aitýynsha, negizgi maqsat – joǵary oqý ornyn bitirgen túlekter men eńbek naryǵy arasyndaǵy alshaqtyqty azaitý.
Kezdesý barysynda ondaǵan kompaniia úmitkerlermen alǵashqy suhbat ótkizip, olardyń bir bóligin kelesi irikteý kezeńine shaqyrdy.
Qatysýshylarǵa túiindeme jasaý jáne ózin-ózi tanystyrý daǵdylary boiynsha keńester berildi.
Elordalyq kompaniialardyń biriniń direktory Ásemgúl Jumabekova jumysqa qabyldaýda tájiribelik daǵdylardyń mańyzy joǵary ekenin atap ótti.
«Joǵary bilim týraly diplom mańyzdy. Biraq biz úshin úmitkerdiń praktikalyq daǵdylary basym», – dedi ol.
Jármeńkede tehnikalyq jáne gýmanitarlyq baǵyttaǵy túrli bos jumys oryndary usynyldy.
Is-sharanyń ereksheligi – ǵylym men óndiristi bailanystyrýǵa basymdyq berilýi boldy. Ýniversitet alańynda ótýi jumys berýshilerge bolashaq injenerler men tehnologtarmen tikelei tanysýǵa múmkindik berdi.
Uiymdastyrýshylar mundai kezdesýler stýdentterge alǵashqy jumysqa ornalasý kezindegi senimsizdikti jeńýge kómektesetinin atap ótti.
Jármeńkege qatysa almaǵandar úshin bos jumys oryndary tsifrlyq eńbek birjalary men ákimdiktiń resmi resýrstarynda qoljetimdi.
