Shymkentte qalyń qardan aǵash qulap, 4-synyp oqýshysyn basyp qaldy, dep habarlaidy Dalanews.kz otyrar.kz-ke siltep.
11 aqpanda Shymkentte 11-shaǵynaýdandaǵy kópqabatty turǵyn úilerdiń biriniń aýlasynan 10 jastaǵy bala óli tabylǵan.
Málimetke súiensek, balany aǵash basyp qalǵan bolýy múmkin. Kýágerlerdiń aitýynsha, balanyń basyna synǵan aǵash tigen.
Oqiǵany alǵash bolyp aýla tazalaýshylar kórip, jedel járdem qyzmetin shaqyrǵan. Artynsha politsiia kelgen.
Kýágerlerdiń aitýynsha, bala sol mańdaǵy úilerdiń birinde otbasymen birge turǵan. №36 mekteptiń 4-synyp oqýshysy bolǵan.
11 aqpanǵa qaraǵan túni qalada jańbyr jaýyp, arty qarǵa ulasqan. Qalyń qardyń salmaǵyn kótere almaǵan aǵashtar birinen soń biri synyp jatyr.
