Ónerkásip jáne qurylys ministrligi Geologiia komiteti tóraǵasynyń mindetin atqarýshy Qanat Erýbaev Qazaqstanda munai, altyn jáne basqa da tabiǵi resýrstar qory qansha jylǵa jetetini týraly suraqqa jaýap berdi. Ortalyq kommýnikatsiialar qyzmetinde ótken brifingte jýrnalister resýrstar "taýsylǵannan" keiin qandai sharalar qabyldanatynyn surady, dep habarlaidy Dalanews.kz.
"Shynyn aitsam, "qor qansha jylǵa jetedi?" degen suraqty bulai qoiý durys emes. Sebebi kez kelgen jaǵdaida geologiialyq barlaý jumystary júrgiziledi, qor tolyqtyrylyp otyrady",- dedi Qanat Erýbaev.
Dese de komitet basshysynyń mindetin atqarýshy shamamen eseptelgen qor kólemi men merzimin de atady.
"Jalpy alǵanda, memlekettik esepte 4 milliard tonnadan asa munai qory bar. Qazirgi óndiris kólemi saqtalsa, bul qor shamamen 50 jylǵa jetedi. Al altyn boiynsha memlekettik esepte shamamen 2,3 myń tonna qor tirkelgen. Qazirgi óndiris deńgeiimen bul shamamen 37 jylǵa jetedi", - dedi ol.
