QazUÝ – ǵylym men bilimdi, ádebiet pen mádenietti, óner men daryndylyqty dostastyrǵan meken. Bul mekende tek bilimdiler ǵana emes, ózin jan-jaqty tanyta biletin daryndy stýdentter bilim alady. Ár stýdent óz boiyndaǵy oqýǵa degen talpynysy men ónerge degen qabiletin Ulttyq Ýniversitette oqý arqyly odan ári damytyp,óziniń súiikti isimen esh kedergisiz ainalysa alady.Ýaqyt ótken saiyn bul ǵylym ordasy kóptegen jetistikterge jetip, shet elderge tanylyp, damyǵan memleketterdiń oqý oryndarymen básekelese alatyndai dárejege jetýde. Osy jyldyń ózinde Ýniversitetimizdiń birshama jetistikterin maqtanyshpen atap óte alamyz:
- QS halyqaralyq reitingisinde sońǵy jyldary 350 pozitsiiaǵa kóterilip, búginde 220 - orynǵa ie.
- Negizi qalanǵan 1934 jyldan beri sońǵy 7 jylda ýniversitettiń infraqurylymy 40% ósti.
- AA pozitsiiasyna ie bolyp, Eýropadaǵy úzdik ýniversitetter qataryna endi.
Bul jetistikterinen bólek, ýniversitetimiz árqashan jańashyldyq engizip, izdenýshiler men oqytýshylarǵa alýan túrli múmkindikter usynatyn bilim jáne ǵylym ordasyna ainaldy.Ýniversitet quramynda 16 fakýltet, 67 kafedra, 32 ǵylymi-zertteý institýty, bilim baǵdarlamalaryna sáikestendirilip jinaqtalǵan kitap qorymen jáne zamanaýi aqparattyq elektrondy resýrstarymen qyzmet kórsetin Ál-Farabi atyndaǵy kitaphana,áskeri kafedra, meditsinalyq ortalyq jáne stýdentter úii, tehnopark qyzmet atqarady. Ár bilim alýshy men oqytýshyǵa arman bolǵan osyndai múmkindikter bir arnaǵa toǵysyp, bedeldi de, kórkem «QazUÝ qalashyǵyn» quraidy.
Osy jylǵy bedeldi oqý orny úshin eń basty jańalyq: Qazaq Ulttyq Ýniversitetiniń qurylǵanyna 85 jyl toldy. Bul ýaqyt, bizdiń ýniversitetimizdiń tarihi mekeme, sapaly bilim ordasy, ári elimizdegi maqtanysh týdyratyn joǵary oqý oryndarynyń biregeii ekenin kórsetedi.
Mine, meniń de ál-Farabi atyndaǵy Qazaq Ulttyq ýniversitetiniń túlegi atanýyma sanaýly ýaqyt qaldy. Osy «qalashyqta» óz boiymdaǵy daryndylyqty odan ári ushtastyryp, kóptegen jańa múmkindikterge ie boldym. Ýniversitet quramyndaǵy 16 fakýltettiń ishinde jan-jaqtylyǵymen erekshelenetin Ekonomika jáne biznes joǵary mektebiniń, «Qarjy» kafedrasynyń joǵary tájiribeli oqytýshylarynan bilim alyp, kóptegen daryndy da, bilimdi stýdenttermen dostastym. Tańdaǵan mamandyǵyma da, túsken tobyma da rizamyn. Kafedramyzda bilim alýshylar men oqytýshylar arasyndaǵy qarym-qatynas árqashan óz ornymen, iaǵni tek bilim almasý emes, tárbielik, rýhani damý qatar alynyp júredi. «Bilim+ǵylym+kásipkerlik+rýhani kemeldik» qaǵidasy aiasynda qyzmet jasap, stýdentterdiń jan-jaqty damýy alǵa qoiylǵan. Osy kafedrada oqý arqyly mamandyǵym boiynsha bilim alyp, bige degen qyzyǵýshylyǵymdy da qatar alyp júrdim. Demek, ómirde eń qajetti qasiet, ýaqytty tiimdi paidalanýdy úirendim. Ataqty jazýshylar, ǵalymdar, belgili óner adamdary, daryndy stýdenttershyqqan joǵary dárejeli oqý ornynyń túlegi atanatynyma óte qýanyshtymyn! Ýniversitetimdi «dostastyq mekeni» dep ataýym beker emes. Ál-Farabi atap ótkendei: «Tárbiesiz berilgen bilim, adamzattyń qas jaýy» degen oidyń negizinde, qyzyǵy men qiyny qatar ótken osy 4 jyl ár stýdent úshin bilim men tárbieni qatar ushtastyryp, mol tájiribe berip,bolashaqqa zor múmkinter ashty.
Ár jylda ártúrli jańashyldyqqa umtylatynál-Farabi atyndaǵy Qazaq Ulttyq ýniversitetimniń alǵashqy rektory Fiodor Trofimuly kezinen, qazirgi rektor Ǵalymqaiyr Mutanuly aralyǵynda kóptegen eńbekter atqarylyp, sapaly bilimi men joǵary dárejege ie oqý orny qalyptasty. Ár túlek osy jetistikti maqtan etip, ózi ushyp shyqqan bilim ordasynyń aldyna qoiǵan maqsatyna tilektes!
A.Á. Sharapatova, QazUÝ EjBJM «Qarjy» mamandyǵynyń 4-kýrs stýdenti,
A.J. Turlybekova, aǵa oqytýshysy
