Túrkistanda «Sýarmaly jerlerdi tiimdi paidalanýdyń ózekti máseleleri» atty otyrys ótti
Sharada Kóksarai sý rettegishi men Bógen sý qoimasynyń jumysymen jáne sharýa qojalyqtarynyń sýarmaly jerdi tiimdi paidalaný aiasynda ósirip otyrǵan baý-baqshalary tanystyryldy. Sondai-aq, sýarmaly jerdi ulǵaitý jobalary men jerdi tiimdi paidalanýdyń ózekti máseleleri talqylandy.
Kóshpeli otyrys 2 kúnge josparlandy. Birinshi kúni sý nysandarynyń jumysymen jáne sýarmaly jerdi tiimdi paidalanyp otyrǵan sharýa qojalyqtarymen tanyssa, al ekinshi kúni 100-den asa aýyl sharýashylyǵy qyzmetkerleri men taýar óndirýshileri qatysýmen otyrys ótti.
Jiynda Túrkistan aimaǵyndaǵy 63,3 myń ga sýarmaly jerdi sýmen qamtamasyz etetin jalǵyz sý nysany «Bógen» sý qoimasy arqyly jetkiziletin, uzyndyǵy 145 shaqyrym quraityn Túrkistan magistraldy kanaldyń jaǵdaiy qaraldy.
Sonymen qatar, Túrkistan magistraldy kanalyn tolyǵymen aǵyn sýmen qamtamasyz etý úshin, Syrdariia ózeninen sý ótkizý qabileti 20m3/sek, 3 kótermeli nasos stantsiiasy, uzyndyǵy 53,2 shq (o.i. 20,7 shq – jer aryq, 17 shq – trýba,15,5 shq betondy) bolatyn mashinalyq kanal salý nátijesinde, qosymsha 80 mln. m3 aǵyn sý jetkiziledi.
Budan basqa, syiymdylyǵy 16 mln.tekshe metr quraityn «Keńsai-Qosqorǵan 2» sý qoimasyn salý usynyldy. Sonymen qosa, Kentaý qalasynyń aimaǵynda uzyndyǵy 54,8 shaqyrym bolatyn Túrkistan magistraldy kanaldyń bóligin betonmen qaptaý jumystaryn júrgizý arqyly 60 mln. m3 filtratsiialyq aǵyn sýdy únemdeý kútilýde.
Aita keteiik, Túrkistan qalasyn sýmen qamtamasyz etýde jer beti sýlarymen qatar, jer asty sýlarynyń mańyzy zor. Qazirgi tańda, jaramsyz bolyp qalǵan 145 dana tik uńǵymalardy qaita qalpyna keltirý arqyly 34,7 mln. m3 aǵyn sýmen qamtamasyz etýge múmkindik berilmek. Nátijesinde, jylyna qosymsha 3755,0 mln. teńgeniń aýyl sharýashylyǵy ónimderi óndirilip, 1500 jańa jumys orny ashylady. 189,7 mln. m3 aǵyn sý tapshylyǵyn sheshýge qol jetkiziledi.
Túrkistan oblysy ákiminiń baspasóz qyzmeti
