Sondai ýniversitetterdiń biri – Ál-Farabi atyndaǵy Qazaq Ulttyq Ýniversiteti. Qazaq ulttyq ýniversiteti – irgeli bilim oshaǵy, ǵylym men mádeniettiń ortalyǵy. Qazaq halqynyń zańǵar perzentteri qyzmet etken, talai talantty ul-qyzdary shyqqan qara shańyraq. Ál-Farabi atyndaǵy QazUÝ – elimizdegi tarihy tereń, erekshe mártebege ie joǵary oqý orny jáne QS WUR boiynsha álemniń eń úzdik 200 ýniversitetiniń tobyna kiredi. QS WUR jahandyq reitinginiń qorytyndysy boiynsha Ál-Farabi atyndaǵy Qazaq ulttyq ýniversiteti 230-orynǵa ie boldy.
Halyqaralyq deńgeidegi reitingte joǵarǵy kórsetkish úlken jetistik. Ýniversitettiń damýyna súbeli úles qosyp, eńbek etken oqytýshy-professorlar quramy, ǵalymdar ekenin aityp ótkim keledi.Álemniń úzdik ýniversitetterimen bir qatarǵa ornalasqan Ál-Farabi atyndaǵy QazUÝ Qazaqstannyń joǵary oqý oryndary arasynda ǵana emes, Ortalyq Aziia men TMD elderinde óziniń kóshbasshylyq pozitsiiasyn dáleldedi.
Sonymen qatar, QazUÝ – QS Stars Rating System halyqaralyq reitinginde «Bes juldyz» marapatyn alǵan Ortalyq Aziiadaǵy alǵashqy jáne jalǵyz joǵary oqý orny. Sondai-aq QS by Subject pándik reitinginde ýniversitet tórt pán salasy men 16 daiyndyq baǵyty boiynsha úzdikter qataryna kiredi. Sondai-aq, QazUÝ qalashyǵynyń taǵy bir ereksheligi — Ó.A. Joldasbekov atyndaǵy Stýdentter saraiy.
Munda Qazaq ulttyq aspaptar orkestri, kórkemóner úiirmeleri, «Biz» stýdentter teatry bar.QazUÝ álemdegi eń ozyq tehnologiialyq 50 ýniversitettiń biri.
Belgili «GreatValueColleges» halyqaralyq uiymynyń reitinginde qazaqstandyq ýniversitet TMD elderiniń ǵana emes, sonymen qatar Shyǵys jáne Ortalyq Eýropanyń jalǵyz ókili bolyp tabylady. QazUÝ-dyń taǵy bir keremet jetistigi «Keremet» stýdentterge qyzmet kórsetý ortalyǵy. «Keremet» kesheninde stýdentter qajetti qujattaryn resimdeýge, zańgerler men bilikti mamandardyń keńesine júginýge, qyzmetke ornalasý úshin qujat tapsyrýǵa, tipti, meditsinalyq kómek, internet-kafe, ushaq jáne temirjol kassalary, kinoteatr, shaǵyn sýpermarket sekildi asa qajetti qyzmettiń barlyq túrine qol jetkize alady.
Qazirgi tańda QazUÝ Qytai ýniversitetterimen tyǵyz bailanysta. QazUÝ men Qytai ýniversitetteri arasynda belsendi akademiialyq kelisim bar. 2019-2023 oqý jylynda QazUÝ-dyń 79 stýdenti (doktorantýra, magistratýra, bakalavriat baǵdarlamalary boiynsha) ǵylymi taǵylymdamadan ótti jáne Qytai ýniversitetterindegi jazǵy mektepterge qatysty. Sondai-aq 37 oqytýshy bilimderin jetildirý maqsatynda QHR ýniversitetterinde ǵylymi konferentsiialarǵa qatysyp, tájiribe almasty. Búginde QazUÝ-da 409 qytailyq stýdent bilim alýda, onyń 94-i memlekettik bilim grantynda, 315-i kelisimshart boiynsha. QazUÝ-da qytaitaný kafedrasy jumys isteidi, ol 3 deńgeilik júie boiynsha: bakalavr, magistratýra, doktorantýra (PhD) boiynsha qytaitaný mamandaryn daiyndaidy. Ýniversitette búginge deiin Qytaitaný kafedrasy men Konfýtsii instýty tabysty jumys istep keledi. QazUÝ Qytai ýniversitetterimen seriktestikte eki ortalyq ashty: Beijiń shet tilder ýniversitetinde Qazaqstan ortalyǵy jáne Shanhai ýniversitetinde «Qazaqstan ortalyǵy». Bul ortalyqtardyń negizgi ǵylymi qyzmeti seriktestermen birlese otyryp, qazaq tilin úirenýge arnalǵan oqý-ádistemelik materialdy qurastyrýǵa jáne QazUÝ-da daiyndalǵan oqýlyqtardy Qytaida qaita basýǵa baǵyttalǵan. jýyrda Ál-Farabi atyndaǵy QazUÝ bazasynda Soltústik-Batys politehnikalyq ýniversitetiniń filialy ashyldy. Atalǵan filialdan tehnikalyq baǵyttaǵy bilikti mamandar daiarlanady. Sonymen qatar oqý ordasynda «Bir beldeý – bir jol» bastamasynyń 10 jyldyǵyna orai Ortalyq Aziia – Qytai joǵary bilim yntymaqtastyq forýmy ótken bolatyn. Ál-Farabi atyndaǵy QazUÝ Qytaidyń 50-den astam joǵary oqý ornymen bailanys ornatqan.
Qara shańyraqta laiyqty dárejede bilim alýǵa tyrysatyn ár stýdent úshin keremet múmkindikter jasalǵan.El erteńi-bilimdi urpaq ekenin eskersek, ózimizge berilgen barlyq múmkindikti tolyq paidalanyp, elimizdiń jarqyn bolashaǵy úshin qyzmet atqarý bizge ata-babadan qalǵan mura ekenin jadymyzda ustaý kerek. Osy mindetti abyroimen alyp júrý, jastar úshin basty maqsat dep esepteimin. Ál-Farabi atyndaǵy Qazaq ulttyq ýniversiteti – ár qazaq úshin aiaýly meken. Munda talai jaqsylardyń izi qalǵan, talai qazaq bilim alǵan, talai adam armanymen kezdesken, maqsatyna jetken. QazUÝ-dy elimizdiń barlyq joǵarǵy bilim berý júiesiniń tiregi, bilikti mamandar ordasy deýge bolady.
Li Fan
ál-Farabi atyndaǵy QazUÝ-dyń zań fakýlteti keden qarjy jáne ekologiialyq quqyq kafedrasynyń dokranty
Ǵylymi jetekshisi:Qalymbek Baqytjan
ál-Farabi atyndaǵy QazUÝ-dyń zań fakýlteti keden qarjy jáne ekologiialyq quqyq kafedrasynyń z.ǵ.k.,qaýymdastyrylǵan professory
