Ulytaý oblysynda politseiler órtengen úidiń terezesinen balalardy alyp shyqty, dep habarlaidy Dalanews.kz.
Sátbaevta kópqabatty turǵyn úidiń birinshi qabatynda órt shyqty. Sol mańdy patrýldep júrgen patrýldik politsiia vzvodynyń qyzmet inspektorlary Áset Abdýakitov pen Nurbolat Nurǵabyl páterdiń terezesinen shyqqan jalyndy baiqap, dereý kómekke umtylǵan.
Sol sátte kómek surap júgirip shyqqan turǵyn páter ishinde kámeletke tolmaǵan úsh bala qalyp qoiǵanyn aitqan. Tártip saqshylary esh kidirmesten páterge kirip, tósektiń astynan bir balany taýyp, qaýipsiz jerge shyǵaryp úlgergen. Birinshi balany qutqarǵannan keiin olar ekinshi bólmege kirýge tyrysqan, biraq tóbeni sharpyǵan ot ishke ótýge múmkindik bermegen. Keiin politseiler syrtqa shyǵyp, terezeniń toryn julyp alyp, qalǵan eki balany tereze arqyly shyǵaryp, aman alyp qalǵan.
"Órt sóndirý qyzmeti dereý shaqyrylyp, tilsiz jaý tolyqtai aýyzdyqtaldy. Zardap shekkender joq", - dedi IIM ókilderi.
