ۇلىتاۋ وبلىسىندا پوليسەيلەر ورتەنگەن ءۇيدىڭ تەرەزەسىنەن بالالاردى الىپ شىقتى، دەپ حابارلايدى Dalanews.kz.
ساتبايەۆتا كوپقاباتتى تۇرعىن ءۇيدىڭ ءبىرىنشى قاباتىندا ءورت شىقتى. سول ماڭدى پاترۋلدەپ جۇرگەن پاترۋلدىك پوليسيا ۆزۆودىنىڭ قىزمەت ينسپەكتورلارى اسەت ابدۋاكيتوۆ پەن نۇربولات نۇرعابىل پاتەردىڭ تەرەزەسىنەن شىققان جالىندى بايقاپ، دەرەۋ كومەككە ۇمتىلعان.
سول ساتتە كومەك سۇراپ جۇگىرىپ شىققان تۇرعىن پاتەر ىشىندە كامەلەتكە تولماعان ءۇش بالا قالىپ قويعانىن ايتقان. ءتارتىپ ساقشىلارى ەش كىدىرمەستەن پاتەرگە كىرىپ، توسەكتىڭ استىنان ءبىر بالانى تاۋىپ، ءقاۋىپسىز جەرگە شىعارىپ ۇلگەرگەن. ءبىرىنشى بالانى قۇتقارعاننان كەيىن ولار ەكىنشى بولمەگە كىرۋگە تىرىسقان، ءبىراق توبەنى شارپىعان وت ىشكە وتۋگە مۇمكىندىك بەرمەگەن. كەيىن پوليسەيلەر سىرتقا شىعىپ، تەرەزەنىڭ تورىن جۇلىپ الىپ، قالعان ەكى بالانى تەرەزە ارقىلى شىعارىپ، امان الىپ قالعان.
"ءورت ءسوندىرۋ قىزمەتى دەرەۋ شاقىرىلىپ، ءتىلسىز جاۋ تولىقتاي اۋىزدىقتالدى. زارداپ شەككەندەر جوق"، - دەدى ءىىم وكىلدەرى.
