Elimizdiń úzdik ustazdar reitingine Almaty qalasyndaǵy himiia-biologiia baǵytyndaǵy NIS muǵalimi Záýre Dilmanova kirdi.
Záýre Dilmanova – pedagogika salasynda 37 jyldyq tájiribesi bar bilikti maman, «QR Bilim berý isiniń úzdigi» tósbelgisiniń, ondaǵan alǵyshat pen qurmet gramotasynyń iegeri, ǵylymi maqalalardyń avtory. Ziiatkerlik mektepter ekojúiesinde 2013 jyldan beri qyzmet etedi. Ustazdyń oqýshylary halyqaralyq, respýblikalyq pándik olimpiadalardyń jeńimpazdary men júldegerleri atanyp júr.
Záýre Dilmanova - syr eliniń tanymal ustazdar áýletiniń ókili.
– Meniń boiymda bilim men himiiaǵa degen súiispenshilikti ata-anam jáne ustazdarym oiatty. Himiia pániniń muǵalimi Dýrleshter Isaak Savelevich aptasyna toǵyz saǵat tereńdetilgen sabaqty oqytty, ol kezde himiia sabaǵy 2 saǵattan artyq berilmeitin. Mektepti bitirgen soń birden pedagogikalyq institýtqa tústim. Tańdaý aiqyn boldy - himiia muǵalimi bolý. Qazir NZM-de ózimniń súiikti pánimnen sabaq beretinime qýanyshtymyn, oqýshylardyń janyp turǵan kózderin kórgende bul meni eki ese shabyttandyrady, - dep syr shertedi elimizdiń úzdik ustazy.
Osymen Almaty qalasyndaǵy himiia-biologiia baǵytyndaǵy NZM-niń himiia mamandary ekinshi jyl qatarynan “Úzdik pedagog” ataǵyna ie bolyp otyr.
