ەلىمىزدىڭ ۇزدىك ۇستازدار رەيتىنگىنە الماتى قالاسىنداعى حيميا-بيولوگيا باعىتىنداعى NIS ءمۇعالىمى زاۋرە ءدىلمانوۆا كىردى.
زاۋرە ءدىلمانوۆا – پەداگوگيكا سالاسىندا 37 جىلدىق تاجىريبەسى بار بىلىكتى مامان، «ق ر ءبىلىم بەرۋ ءىسىنىڭ ۇزدىگى» توسبەلگىسىنىڭ، ونداعان العىسحات پەن قۇرمەت گراموتاسىنىڭ يەگەرى، عىلىمي ماقالالاردىڭ اۆتورى. زياتكەرلىك مەكتەپتەر ەكوجۇيەسىندە 2013 جىلدان بەرى قىزمەت ەتەدى. ۇستازدىڭ وقۋشىلارى حالىقارالىق، رەسپۋبليكالىق پاندىك وليمپيادالاردىڭ جەڭىمپازدارى مەن جۇلدەگەرلەرى اتانىپ ءجۇر.
زاۋرە ءدىلمانوۆا - سىر ەلىنىڭ تانىمال ۇستازدار اۋلەتىنىڭ وكىلى.
– مەنىڭ بويىمدا ءبىلىم مەن حيمياعا دەگەن سۇيىسپەنشىلىكتى اتا-انام جانە ۇستازدارىم وياتتى. حيميا ءپانىنىڭ ءمۇعالىمى دۋرلەشتەر يسااك ساۆەليەۆيچ اپتاسىنا توعىز ساعات تەرەڭدەتىلگەن ساباقتى وقىتتى، ول كەزدە حيميا ساباعى 2 ساعاتتان ارتىق بەرىلمەيتىن. مەكتەپتى بىتىرگەن سوڭ بىردەن پەداگوگيكالىق ينستيتۋتقا ءتۇستىم. تاڭداۋ ايقىن بولدى - حيميا ءمۇعالىمى بولۋ. ءقازىر نزم-دە ءوزىمنىڭ سۇيىكتى پانىمنەن ساباق بەرەتىنىمە قۋانىشتىمىن، وقۋشىلاردىڭ جانىپ تۇرعان كوزدەرىن كورگەندە بۇل مەنى ەكى ەسە شابىتتاندىرادى، - دەپ سىر شەرتەدى ەلىمىزدىڭ ۇزدىك ۇستازى.
وسىمەن الماتى قالاسىنداعى حيميا-بيولوگيا باعىتىنداعى ءنزم-نىڭ حيميا ماماندارى ەكىنشى جىل قاتارىنان “ۇزدىك پەداگوگ” اتاعىنا يە بولىپ وتىر.
