Qazaqstandyq kásipker Islamǵali Qozbaqov "Qaisar" fýtbol klýbynyń jańa iesi atandy, dep habarlaidy Dalanews.kz.
30 qazanda prezidenttiń Qyzylorda oblysyna sapary josparlanǵan. Sapar qarsańynda oblys ákimdiginde "Qaisardy" jeke menshikke ótkizý máselesi boiynsha jiyn ótti.
"Barlyq qajetti qujattar rásimdelip, klýbtyń jańa iesi retinde Islamǵali Qozbaqov bekitildi. Erteń jergilikti bilik prezidentke tapsyrmanyń sátti ári jedel oryndalǵanyn habarlaidy", - delingen Telegram-arnada jariialanǵan aqparatta.
Maýsym nátijesi jáne jańa ieniń kim ekeni
Biylǵy maýsym qorytyndysy boiynsha Qyzylordanyń "Qaisary" 22 upai jinap, Qazaqstan Premer-ligasynyń týrnir kestesinde 11-oryn aldy.
Islamǵali Qozbaqov - Qyzylordalyq kásipker, TAU Group Ltd qurylys kompaniiasyn basqarady. Ashyq derekkózderde onyń kapitaly týraly málimet joq.
