Shymkent qalasynda Nazira Gold qarjy piramidasyn qurý jáne basqarý isi boiynsha sot úkimi shyqty, dep habarlaidy Dalanews.kz.
Tergeýdi QMA Shymkent qalasy boiynsha departamenti júrgizdi. Ózin zergerlik buiymdardy satýmen ainalysatyn kompaniia retinde tanystyrǵan kúdiktiler salymshylarǵa ai saiyn salynǵan qarjynyń 20-40% kóleminde tabys ýáde etken. Alaida tólem naqty tabystan emes, jańa salymshylardyń esebinen júzege asyrylyp otyrǵan.
Nátijesinde qarjy piramidasyna 4 myńnan asa azamat tartylǵan. Kúdiktiler salymshylardan túsken aqshany qymbat kólikter, jer telimderi men páterler satyp alýǵa jumsaǵan.
Sot úkimimen 9 adam kináli dep tanylyp, olarǵa 5 jyldan 10 jylǵa deiin bas bostandyǵynan aiyrý jazasy taǵaiyndaldy.
Sonymen qatar, sot sheshimimen 402 mln teńge kólemindegi qarajat, 52 kólik, jeke turǵyn úi, elitalyq turǵyn úi keshenderindegi 2 páter, sondai-aq, 17 keli zergerlik buiym memleket paidasyna tárkilendi.
Úkim zańdy kúshine engen joq.
