شىمكەنت قالاسىندا Nazira Gold قارجى پيراميداسىن قۇرۋ جەنە باسقارۋ ٸسٸ بويىنشا سوت ٷكٸمٸ شىقتى, دەپ حابارلايدى Dalanews.kz.
تەرگەۋدٸ قما شىمكەنت قالاسى بويىنشا دەپارتامەنتٸ جٷرگٸزدٸ. ٶزٸن زەرگەرلٸك بۇيىمداردى ساتۋمەن اينالىساتىن كومپانييا رەتٸندە تانىستىرعان كٷدٸكتٸلەر سالىمشىلارعا اي سايىن سالىنعان قارجىنىڭ 20-40% كٶلەمٸندە تابىس ۋەدە ەتكەن. الايدا تٶلەم ناقتى تابىستان ەمەس, جاڭا سالىمشىلاردىڭ ەسەبٸنەن جٷزەگە اسىرىلىپ وتىرعان.
نەتيجەسٸندە قارجى پيراميداسىنا 4 مىڭنان اسا ازامات تارتىلعان. كٷدٸكتٸلەر سالىمشىلاردان تٷسكەن اقشانى قىمبات كٶلٸكتەر, جەر تەلٸمدەرٸ مەن پەتەرلەر ساتىپ الۋعا جۇمساعان.
سوت ٷكٸمٸمەن 9 ادام كٸنەلٸ دەپ تانىلىپ, ولارعا 5 جىلدان 10 جىلعا دەيٸن باس بوستاندىعىنان ايىرۋ جازاسى تاعايىندالدى.
سونىمەن قاتار, سوت شەشٸمٸمەن 402 ملن تەڭگە كٶلەمٸندەگٸ قاراجات, 52 كٶلٸك, جەكە تۇرعىن ٷي, ەليتالىق تۇرعىن ٷي كەشەندەرٸندەگٸ 2 پەتەر, سونداي-اق, 17 كەلٸ زەرگەرلٸك بۇيىم مەملەكەت پايداسىنا تەركٸلەندٸ.
ٷكٸم زاڭدى كٷشٸنە ەنگەن جوق.
