Biz ony salynyp jatqan álemdik standartqa saı túrli mektepter men joǵarǵy oqý oryndarynan baıqaımyz. Sondaı ýnıversıtetterdiń biri – Ál-Farabı atyndaǵy Qazaq Ulttyq Ýnıversıteti. Qazaq ulttyq ýnıversıteti – irgeli bilim oshaǵy, ǵylym men mádenıettiń ortalyǵy. Halqymyzdyń zańǵar perzentteri qyzmet etken, talaı talantty ul-qyzdarymyz shyqqan qara shańyraq. Ǵylym men qoǵam qaıratkerleriniń birneshe býynyn tárbıelep shyǵaratyn altyn uıamyz bıyl 90 jyldyq merekesin atap ótti.
Ál-Farabı atyndaǵy Qazaq ulttyq ýnıversıteti mańyzdy ǵylymı-zertteý ınstıtýttarynyń biri jáne sonymen qatar Qazaqstan Respýblıkasynyń kóptegen ǵylymı jáne kásibı salalaryndaǵy magıstranttar men doktoranttarǵa orasan zor múmkindikter ashatyn kórnekti oqý ordasy bolyp tabylady. Ýnıversıtet halyqaralyq profesorlardy pikir almasýǵa,leksıa júrgizýge shaqyrady, jahandyq máseleler boıynsha zertteýler men oqytýlardy qoldaýǵa, sondaı-aq ártúrli shet eldermen jáne aımaqtarmen akademıalyq baılanystar ornatýǵa tyrysady. Oqý ordasy kez-kelgen sala boıynsha bilim men oqýdy joǵary deńgeıde ilgeriletýdi jáne óz kúshin búkil álemdik standartqa saı bolatyn nátıjelerdi maqsat ete otyryp jumys atqarady.
«QazUÝ halyqaralyq QS reıtıńinde 230-orynda. QS Asia ýnıversıtetteri reıtıńi boıynsha 29-shy satyda. 90 jyldyq tarıhy bar ýnıversıtette 3354 oqytýshy-professor tabysty eńbek etýde. Onyń ishinde 11 QR UǴA akademıgi, QR Joǵary mektebiniń úsh akademıgi, Joǵary mektebi Ǵylym akademıasynyń segiz akademıgi, jeti UǴA korespondent-múshesi bar. Sondaı-aq 603 doktor, 736 ǵylym kandıdaty, 512 PhD jumys isteıdi. 2023-2024 oqý jylyna 10 719 talapker qabyldanyp, bilim alýshylar sany aldyńǵy jylmen salystyrǵanda 3000 ǵa artty. QazUÝ-dyń 32 oqytýshysy «Joǵary oqý ornynyń úzdik oqytýshysy – 2023» respýblıkalyq baıqaýynda jeńimpaz atandy.QazUÝ Batys jáne Shyǵys Eýropa, Soltústik Amerıka, Azıa jáne Tynyq muhıty aımaǵyndaǵy 650-den astam joǵary oqý oryndarymen jáne uıymdarymen tyǵyz qarym-qatynasta. 80-nen astam áriptestik baılanys ótken jyly ornatyldy. Álemniń 54 elinen 3928 sheteldik stýdent bilim alýda.
Ýnıversıtette sapaly bilim alǵysy keletin árbir stýdent úshin birqatar laıyqty múmkindikter bar. Ýnıversıtette Qazaqstandaǵy eń úlken jáne eń baı kitaphanalardyń biri bar.Ál-Farabı atyndaǵy Qazaq ulttyq ýnıversıtetiniń ǵylymı kitaphanasy Ortalyq Azıadaǵy eń iri kitaphanalardyń biri bolyp sanalady. QazUÝ jas ǵalymdarǵa jaqsy jabdyqtalǵan jataqhana usynatyn stýdenttik qala sanalady. Ýnıversıtette 5000-nan astam stýdentti qabyldaı alatyn 14 úlken jatahana ornalasqan. Ýnıversıtette 16 fakúltet, 67 kafedra, 32 ǵylymı-zertteý ınstıtýttary men ortalyqtary, tehnopark bar.
Ál-Farabı atyndaǵy Qazaq Ulttyq Ýnıversıteti Qazaqstannyń jetekshi klasıkalyq ýnıversıteti mártebesine ıe Qazaqstan bilimi men ǵylymynyń iri ortalyǵy. QazUÝ-dy elimizdiń barlyq joǵarǵy bilim berý júıesiniń tiregi, bilikti mamandar ordasy deýge bolady.Qorytyndylaı kele, 1934 jyldan bastap ýnıversıtettiń ashylýynan bastap, búgingi kúnge deıin QazUÝ Qazaqstannyń kóptegen reıtıńterinde boı kórsetýde.Qara shańyraq túlekteri memlekettik apparatta joǵary qyzmet atqarady, memleketimizdiń barlyq salalarynda, kóptegen tanymal kompanıalarda elimizdiń órkendeýi úshin qyzmet atqarýda.
Daýbasova S.Sh
Ál-Farabı atyndaǵy QazUÝ Zań fakúlteti
qylmystyq quqyq, qylmystyq
is júrgizý jáne krımınalısıka
kafedrasynyń aǵa oqytýshysy
Sýret: kaznu.kz
