Keıingi birneshe kúnnen beri ál-Farabı atyndaǵy Qazaq ulttyq ýnıversıteti jýrnalısıka fakúltetiniń tóńiregindegi daý tyıylar emes. Aty-jóni jazylǵan mórdi paıdalanǵan jýrnalısıka fakúltetiniń dekany Qanat Áýesbaı jurttyń synyna qalyp, qyzý talqyǵa tústi, dep habarlaıdy Dalanews.kz.
Másele neden bastaldy?
Tanymal jýrnalıs Juldyz Ábdildá Facebook paraqshasynda QazUÝ-da ótken Jas tilshiler forýmyna qatysty jazba jarıalaǵan edi. Onyń sózinshe, forým qatysýshylaryna berilgen sertıfıkatqa ýnıversıtettiń nemese fakúltettiń emes, dekannyń aty-jóni jazylǵan jeke móri basylǵan.
"QazUÝ sıaqty bildeı bir ýnıversıtette, atam zamannan kele jatqan jýrnalısıka fakúltetinde mór joq pa sonda? Álde jýrfakty Áýesbaıdyń Qanaty birjola jekeshelendirip alyp pa edi? IP-nyń qujaty qusatyp ne mynaý? "Áýesbaıdyń Qanaty óz-óziniń fanaty" ekenin bylaı da bilemiz ǵoı, biraq mynaýsy tym artyq eken", – dep jazdy Juldyz Ábdildá.
Keıinirek joǵary oqý ornynyń baspasóz qyzmeti BAQ ókilderine bergen pikirinde bul jaıtqa qatysty qatysty qyzmettik tekseris bastalǵanyn málimdedi.
Bul is qalaı jalǵasty?
Tekseris bastalǵannan keıin de qoǵam tarapynan synı pikir toqtamady. Áleýmettik jelide osy jaǵdaıǵa qatysty jańa jazbalar paıda boldy.
Jýrnalısıka fakúltetinde bilim alǵanyn aıtqan jeli qoldanýshylarynyń biri osy oqıǵadan keıin Qanat Áýesbaı qyzmetinen ketip, ornyna Mánshúk Muqasheva kelgenin jazdy. Alaıda jazba avtory Mánshúk Muqashevaǵa da kúmán keltirip, ýnıversıtet basshylyǵyn bolashaq jýrnalıserge qıanat jasamaýǵa shaqyrǵan.
"Bizdiń qutty shańyraǵymyzda tek kil myqtylar eńbek etýge tıis. Qandaı ustazdardan dáris aldyq biz. Bylyqqa, batpaqqa aınaldyrmańdar! Jýrnalısıka fakúlteti - elimizdegi mańdaıaldy fakúltet. Fakýlttettiń abyroıymen oınap, oıqastap, jónsiz-júıesiz (qalaı-bolsa solaı) adamdardy basshylyqqa qoıa berýge bolmaıdy. Bul degen bolashaq stýdentterdiń obalyna qalý, qazaqtyń qasıetti sóz óneri men jýrnalısıkasyna, Qazaqstan biliminiń altyn uıasyna qastandyq jasaý dep oılaımyn. Qojakeevtiń áýraǵynan qorqyńdar! Tanymy taıaz, áriptesterine juǵymsyz, kásibıligi, mádenıeti tómen adamdy basshylyqqa qoıý - jýrfagymyzdyń bolashaǵyna balta shapqanmen teń! Oılanaıyq! Bolashaq jýrnalıserge qıanat qylmaıyq! Ózimiz túlep ushqan fakúltetimizdi sırkke aınalmasyn!" - dep ashyndy ol.
