AQSh Irannyń azamattyq nysandaryna soqqy jasady, dep habarlaidy Dalanews.kz.
AQSh Irandy «tas dáýirine qaitarý» týraly qoqan-loqqydan keiin alǵash ret eldiń azamattyq infraqurylymyna soqqy jasady. Amerikalyq áskeri kúshter Tegeran mańyndaǵy kópirdiń qiratylǵanyn málimdep, bul áreketti qarý-jaraq tasymalyn toqtatýǵa baǵyttalǵan áskeri maqsatpen túsindirdi.
AQSh Qorǵanys ministrliginiń ókilderi irandyq áskeriler atalǵan kópirdi Tegerannan eldiń batysyndaǵy ushyrý alańdaryna zymyrandar men olardyń bólshekterin jasyryn jetkizý úshin paidalanǵanyn alǵa tartty.
Al Irannyń memlekettik BAQ-tary soqqy saldarynan segiz adam qaza taýyp, 95 adamnyń jaralanǵanyn habarlady.
AQSh Qorǵanys ministrligi ókiliniń sózinshe, aldaǵy ýaqytta basqa da kópirler soqqy nysanasyna ainalýy múmkin.
AQSh-tyń burynǵy prezidenti Donald Tramp Truth Social áleýmettik jelisinde Irandaǵy eń iri kópirdiń qiraǵanyn jáne endi paidalanylmaitynyn jazyp, Tegerandy kelisim jasaýǵa shaqyrdy. Buǵan deiin ol sońǵy eki-úsh aptada AQSh Iranǵa «óte kúshti soqqy» jasap jatqanyn málimdegen.
