Jambyl oblysynda sarbazdyń ólimine qatysty tergeý aıaqtaldy, dep habarlaıdy Dalanews.kz.
Qaıǵyly oqıǵa 27 qańtarda bolǵan. Sarbaz E.Rýstemulynyń qaza bolý sebepteriniń biri bolǵan Gvardeısk garnızonyndaǵy áskerı bólim rota komandıriniń qyzmetke salǵyrt qaraýy boıynsha qylmystyq isti tergeý aıaqtaldy.
Tergeýmen laýazymdy tulǵanyń jeke quramnyń qyzmetin jáne áskerı qyzmetshilerdiń qarýdy qoldanýyn baqylamaǵany, sonymen qatar qaza bolǵan sarbazdyń qyzmettesterine qatysty bılik ókilettigin asyra paıdalanǵany anyqtaldy.
Qysqa merzim ishinde qajetti dálelder jınalyp, qylmystyq is sotqa qaraý úshin joldandy.
Sarbazdyń ólimine qatysty basqa da mán-jaılardy tergeý is-sharalary jalǵasyp jatyr, tergeý barysy Bas áskerı prokýratýranyń erekshe baqylaýynda.
Qylmystyq-prosestik kodekstiń 201-baby boıynsha, aldyn ala tergeý derekteriniń basqa málimetteri jarıalaýǵa jatpaıdy.
Eske salaıyq, buǵan deıin Jambyl oblysyndaǵy sarbaz ólimine qatysty Qorǵanys mınıstrligi málimdeme jasaǵan bolatyn.
