Moldova parlamenti eldiń Táýelsiz Memleketter Dostastyǵy (TMD) quramynan shyǵý týraly zańdy maquldady, dep habarlaıdy Dalanews.kz.

Negizgi kelisimderdi denonsasıalaýdy 101 depýtattyń 60-y qoldady. Al komýnıser men sosıalıser bul sheshimge qarsy boldy. Olardyń pikirinshe, TMD-dan shyǵý el ekonomıkasyna «aýyr zardaptar» ákelýi múmkin. Burynǵy prezıdent Vladımır Voronın bul qadamdy «ekonomıka úshin tragedıa» dep baǵalady.

Moldova uıymnan shyǵý prosesin bıylǵy qańtarda bastaǵan. Endi zańǵa prezıdent Maııa Sandý qol qoıýy tıis. Odan keıin syrtqy ister mınıstrligi tıisti qujattardy TMD Atqarýshy komıtetine joldaıdy. El uıym quramynan tolyqtaı 12 aı ótken soń resmı túrde shyǵady.

Aıta keteıik, Moldova bıligi TMD-dan shyǵý josparyn alǵash ret 2023 jyldyń jeltoqsanynda jarıalaǵan edi.