مولدوۆا پارلامەنتٸ ەلدٸڭ تەۋەلسٸز مەملەكەتتەر دوستاستىعى (تمد) قۇرامىنان شىعۋ تۋرالى زاڭدى ماقۇلدادى, دەپ حابارلايدى Dalanews.kz.
نەگٸزگٸ كەلٸسٸمدەردٸ دەنونساتسييالاۋدى 101 دەپۋتاتتىڭ 60-ى قولدادى. ال كوممۋنيستەر مەن سوتسياليستەر بۇل شەشٸمگە قارسى بولدى. ولاردىڭ پٸكٸرٸنشە, تمد-دان شىعۋ ەل ەكونوميكاسىنا «اۋىر زارداپتار» ەكەلۋٸ مٷمكٸن. بۇرىنعى پرەزيدەنت ۆلاديمير ۆورونين بۇل قادامدى «ەكونوميكا ٷشٸن تراگەدييا» دەپ باعالادى.
مولدوۆا ۇيىمنان شىعۋ پروتسەسٸن بيىلعى قاڭتاردا باستاعان. ەندٸ زاڭعا پرەزيدەنت ماييا ساندۋ قول قويۋى تيٸس. ودان كەيٸن سىرتقى ٸستەر مينيسترلٸگٸ تيٸستٸ قۇجاتتاردى تمد اتقارۋشى كوميتەتٸنە جولدايدى. ەل ۇيىم قۇرامىنان تولىقتاي 12 اي ٶتكەن سوڭ رەسمي تٷردە شىعادى.
ايتا كەتەيٸك, مولدوۆا بيلٸگٸ تمد-دان شىعۋ جوسپارىن العاش رەت 2023 جىلدىڭ جەلتوقسانىندا جارييالاعان ەدٸ.
