Almatyda jol qaýipsizdigin kúsheitýge baǵyttalǵan "Stop buzýshylyq" jedel profilaktikalyq is-sharasynyń qorytyndysy jariialandy. Qalalyq politsiia eki kúnniń ishinde jol qozǵalysy erejesin buzýdyń 5 myńǵa jýyq deregin anyqtaǵan, dep habarlaidy Dalanews.kz.
Tártip saqshylarynyń málimetinshe, tirkelgen quqyqbuzýshylyqtardyń qatarynda júrgizýshi kýáliginsiz kólik basqarý, qarsy jolaqqa shyǵý jáne jalǵan nómir qoldaný faktileri bar.
Sonymen qatar reid barysynda 2 myńnan astam avtokólik arnaiy aiypturaqtarǵa jetkizilgen. Olardyń ishinde sheteldik tirkeýdegi kólikter de bar.
Politsiia ókilderiniń aitýynsha, atalǵan sharanyń negizgi maqsaty – jol-kólik oqiǵalarynyń aldyn alý jáne qoǵamdyq qaýipsizdikke qater tóndiretin óreskel zańbuzýshylyqtardyń jolyn kesý.
