الماتىدا جول قاۋىپسىزدىگىن كۇشەيتۋگە باعىتتالعان "Stop بۇزۋشىلىق" جەدەل پروفيلاكتيكالىق ءىس-شاراسىنىڭ قورىتىندىسى جاريالاندى. قالالىق پوليسيا ەكى كۇننىڭ ىشىندە جول قوزعالىسى ەرەجەسىن بۇزۋدىڭ 5 مىڭعا جۋىق دەرەگىن انىقتاعان، دەپ حابارلايدى Dalanews.kz.
ءتارتىپ ساقشىلارىنىڭ مالىمەتىنشە، تىركەلگەن قۇقىقبۇزۋشىلىقتاردىڭ قاتارىندا جۇرگىزۋشى كۋالىگىنسىز كولىك باسقارۋ، قارسى جولاققا شىعۋ جانە جالعان ءنومىر قولدانۋ فاكتىلەرى بار.
سونىمەن قاتار رەيد بارىسىندا 2 مىڭنان استام اۆتوكولىك ارنايى ايىپتۇراقتارعا جەتكىزىلگەن. ولاردىڭ ىشىندە شەتەلدىك تىركەۋدەگى كولىكتەر دە بار.
پوليسيا وكىلدەرىنىڭ ايتۋىنشا، اتالعان شارانىڭ نەگىزگى ماقساتى – جول-كولىك وقيعالارىنىڭ الدىن الۋ جانە قوعامدىق قاۋىپسىزدىككە قاتەر توندىرەتىن ورەسكەل زاڭبۇزۋشىلىقتاردىڭ جولىن كەسۋ.
