Memleket basshysy Qasym-Jomart Toqaev Oqý-aǵartý ministri Juldyz Súleimenovany qabyldap, bilim berý salasynyń damý qarqyny men aldaǵy mindetterdi talqylady, dep habarlaidy Dala News.
Ministrdiń málimetinshe, elde bilim berý mazmunyn jańartý jumystary júrgizilýde. Jańa Konstitýtsiia qundylyqtaryna sáikes oqý baǵdarlamalary qaita qaralyp, oqýlyqtar jańartylyp jatyr. Sonymen qatar mektepterde «Adal azamat» tárbie baǵdarlamasy engizilip, ekologiialyq bilim berý standarttary ázirlengen.
Bastaýysh bilimge erekshe nazar aýdarylyp otyr. Oqý baǵdarlamalary oqýshylardyń oqý, jazý jáne esepteý daǵdylaryn kúsheitýge baǵyttalǵan.
«Keleshek mektepteri» ulttyq jobasy aiasynda 460 myń oqýshyǵa arnalǵan 217 mekteptiń qurylysy aiaqtalǵan. Budan bólek, 184 jańa bilim berý nysany iske qosylyp, úsh aýysymdy jáne apatty mektepterdiń máselesi birtindep sheshilip jatyr.
Salany tsifrlandyrý da qarqyndy júrip jatyr. Qazirgi tańda mektepterdiń 99%-y internetke qosylǵan. «Áleýmettik ámiian» jobasy myńdaǵan mektepke engizilip, qujattar tolyqtai tsifrlyq formatqa kóshirilýde. Sonymen qatar júzdegen myń muǵalim jasandy intellekt quraldaryn qoldaný boiynsha oqytýdan ótken.
Prezident óz kezeginde bilim sapasyn arttyrý, mektepterdegi oryn tapshylyǵyn azaitý jáne jumysshy mamandardy daiarlaý júiesin damytý baǵytynda naqty tapsyrmalar berdi.
Sondai-aq Memleket basshysy aldaǵy úsh jylda «Keleshek mektepteri» jobasynyń tiimdi tájiribesin barlyq bilim berý uiymdaryna engizý mańyzdy ekenin atap ótti.
