Atyraýda politsiia qyzmetkerin balaǵattaǵan áiel ákimshilik jaýapkershilikke tartylyp, 90 myń teńgeden astam aiyppul tóleýge mindetteldi, dep habarlaidy Dala News.
Sot málimetinshe, 2026 jylǵy 31 naýryzda azamatsha L. alkogoldik mas kúide politsiia qyzmetkerine qatysty beiádep sózder aityp, oǵan qurmetsizdik tanytqan.
Áieldiń kinási ákimshilik quqyqbuzýshylyq týraly hattamamen, jaýap alý hattamasymen jáne beinejazbamen dáleldengen.
Sot qaýlysymen ol QR ÁQBtK-niń 667-baby 1-bóligi boiynsha kináli dep tanylyp, 30 ailyq eseptik kórsetkish (MRP) kóleminde aiyppul salynǵan. Alaida onyń jeke jaǵdaiy, materialdyq ahýaly jáne kámeletke tolmaǵan balasynyń bar ekeni eskerilip, aiyppul 30%-ǵa qysqartylyp, 90 825 teńge bolyp belgilendi.
Atalǵan bap boiynsha 30 MRP kóleminde aiyppul nemese 15 táýlikke deiin ákimshilik qamaý qarastyrylǵan.
Sot qaýlysy zańdy kúshine engen joq.
