اتىراۋدا پوليسيا قىزمەتكەرىن بالاعاتتاعان ايەل اكىمشىلىك جاۋاپكەرشىلىككە تارتىلىپ، 90 مىڭ تەڭگەدەن استام ايىپپۇل تولەۋگە مىندەتتەلدى، دەپ حابارلايدى Dala News.
سوت مالىمەتىنشە، 2026 جىلعى 31 ناۋرىزدا ازاماتشا ل. الكوگولدىك ماس كۇيدە پوليسيا قىزمەتكەرىنە قاتىستى بەيادەپ سوزدەر ايتىپ، وعان قۇرمەتسىزدىك تانىتقان.
ايەلدىڭ كىناسى اكىمشىلىك قۇقىقبۇزۋشىلىق تۋرالى حاتتامامەن، جاۋاپ الۋ حاتتاماسىمەن جانە بەينەجازبامەن دالەلدەنگەن.
سوت قاۋلىسىمەن ول ق ر اقبتك-نىڭ 667-بابى 1-بولىگى بويىنشا كىنالى دەپ تانىلىپ، 30 ايلىق ەسەپتىك كورسەتكىش (مرپ) كولەمىندە ايىپپۇل سالىنعان. الايدا ونىڭ جەكە جاعدايى، ماتەريالدىق احۋالى جانە كامەلەتكە تولماعان بالاسىنىڭ بار ەكەنى ەسكەرىلىپ، ايىپپۇل 30%-عا قىسقارتىلىپ، 90 825 تەڭگە بولىپ بەلگىلەندى.
اتالعان باپ بويىنشا 30 مرپ كولەمىندە ايىپپۇل نەمەسە 15 تاۋلىككە دەيىن اكىمشىلىك قاماۋ قاراستىرىلعان.
سوت قاۋلىسى زاڭدى كۇشىنە ەنگەن جوق.
