Aqtóbe oblysynda bopsalaýmen ainalysqan eki qylmystyq top ustaldy, dep habarlaidy Dalanews.kz.
Hromtaý qalasynda jergilikti qylmystyq orta ókilderi qorqytý men kúsh qoldaný arqyly shahterlerden aqsha bopsalaǵan. Biraq jábirlenýshiler quqyq qorǵaý organdaryna júginbegen. Jedel qyzmetkerler kúdiktilerdi tolyq anyqtap, bultartpas dálelder jinap, barlyq qatysýshyny bir mezgilde ustaý operatsiiasyn júrgizdi.
20 sanktsiialanǵan tintý sharasy barysynda aqsha men ózge de aiǵaqtar tárkilendi. Osyndai qylmystyq áreket Aqtóbe qalasynda da toqtatyldy. Munda politsiia kóńil kóterý oryndaryna baǵyttalǵan bopsalaýshylardy anyqtady. Qaskóiler kúsh qoldanýmen jáne kúzet qyzmetkerlerine qysym kórsetýmen ainalysqan.
"Qylmystyq toptyń barlyq múshesi ustalyp, ýaqytsha ustaý izoliatoryna qamaldy. Olardyń ózge de uqsas qylmysqa qatysy bar-joǵy tekserilip jatyr", - dedi politsiia.
