Júzdesýde JOO basshysy Janseiit Túimebaev shetelden úzdik ǵalymdardy tartýdyń el ǵylymy úshin mańyzdylyǵyna toqtalyp, osy salada memleket tarapynan qabyldanǵan tiisti sharalardy atap ótti.
Rektor óz sózinde: «Siz Lomonosov atyndaǵy Máskeý memlekettik ýniversiteti, Tehas ýniversiteti, Kembridj ýniversitetinde bilim alyp, jumys istedińiz. Kúrdeli neirobiologiia ǵylymyndaǵy tájiribeńiz bizdiń stýdentter úshin óte qundy» dei kele, Dáýlet Ábýbákirulyna QazUÝ-da dáris berý týraly usynysyn qabyl alǵany úshin alǵys bildirdi. Bul sheshim ýniversitet úshin úlken mártebe ekenin jáne birlesken ǵylymi zerthana qurýǵa daiyndyǵyn jetkizdi.
Professor B.Dáýletov óz kezeginde QazUÝ janyndaǵy Kognitivti neiroǵylym ortalyǵynyń zertteýlerine qyzyǵýshylyq tanytyp, «Midyń, emotsionaldy-kognitivti fýnktsiialardyń damýyn jáne olardyń ártúrli jas toptaryndaǵy genetikalyq markerlerin MRT/EEG zertteý» jobasy jaily pikirimen bólisti.
Nátijesinde ál-Farabi atyndaǵy QazUÝ-dyń biofizika, biomeditsina jáne neirobiologiia kafedrasynda «Neiroǵylym» jańa mamandyǵyn ashý týraly kelisim jasaldy. Bul mamandyq elimizde jáne búkil Ortalyq Aziia óńirinde tuńǵysh ret oqytylatyn bolady.
Neiroǵylym – bul mi men júike júiesinde bolatyn fiziologiialyq úderisterdi zertteitin pánder jiyntyǵy. Osyǵan deiin júike júiesin zertteýmen neirobiologiia ainalyssa, búginde neiroǵylym qarqyndy damýda. Ol psihologiia, biologiia, pedagogika, meditsina, kompiýterlik tehnologiia, lingvistika, injeneriia jáne filosofiia salalarymen pánaralyq bailanysta zertteý júrgizedi.
Aita ketsek, Bazbek Dáýletov – Sheffild ýniversitetiniń biomeditsinalyq ǵylymdar bólimshesiniń professory, molekýliarlyq neirobiologiia salasyndaǵy birqatar jańa biregei tehnologiialardyń avtory, Kembridj ýniversitetinde 15 jyl boiy jumys istegen. Ol SP-BOT jáne Derm-Bot molekýlalary sozylmaly aýrýy bar tyshqandardaǵy aýyrsyný neirondarynyń belsendiligin basýǵa qabiletti ekenin anyqtady. B. Davletovtiń basshylyǵymen onkologiiany emdeýge arnalǵan translation-inhibiting enzymes (Tie-s) tejegish enzimderine zertteýler júrgizilýde, onyń nátijeleri antidenelerdi, olardyń fragmentterin, enzimderdi jáne kishi interferirleýshi RNQ-ny qamtityn jańa mýltifýnktsionaldy terapiiany jobalaý úshin paidalanylmaq.
Kezdesýde neiroǵylym salasy boiynsha granttyq qarjylandyrýǵa birlesken ǵylymi jobalardy daiyndaý máselesi de keńinen qaraldy.
Sondai-aq qosdiplomdy bilim berý múmkindikteri, jańa jobalardy ǵylymi jýrnaldarda jariialaý, Sheffild, Kembridj ýniversitetterimen stýdentter almasý, magistranttar men PhD doktoranttardyń ǵylymi keńesterin júzege asyrý baǵyttary qamtyldy.
