Halyqaralyq dialog alańyn QR Tuńǵysh Prezidenti – Elbasy qorynyń qoldaýymen Abai atyndaǵy QazUPÝ, Sorbonna-Qazaqstan institýty jáne «Astana» halyqaralyq qarjy ortalyǵy uiymdastyrdy.
Halyqaralyq dóńgelek ústel jumysyna QazUPÝ rektory Takir Balyqbaev, Qazaqstan Respýblikasy Tuńǵysh Prezidenti – Elbasy qorynyń atqarýshy direktorynyń orynbasary, QR Eýropa Keńesindegi Venetsiandyq Komissiianyń múshesi Igor Rogov, «Astana» Halyqaralyq qarjy ortalyǵynyń islamdyq qarjylandyrý boiynsha direktory, Halyqaralyq arbitraj ortalyǵy arbitrler kollegiiasynyń múshesi, islamdyq qarjylandyrý boiynsha konsýltativtik keńesiniń múshesi Sheih Bilal Han, D.A. Qonaev atyndaǵy Eýraziialyq zań akademiiasynyń rektory Ómiráli Jalairi, Frantsiia elshiliginiń attashesi, Sorbonna-Qazaqstan institýtynyń qosalqy direktory, halyqaralyq qatynastar salasynyń mamany Jil Mametts, Sorbonna-Qazaqstan institýtynyń direktory Ainur Sábitova, Almaty qalasy joǵarǵy oqý oryndarynyń ǵalymdary, qarjy jáne quqyq salasyndaǵy Frantsiianyń mamandary, Frantsiia-Qazaqstan Saýda-Ónerkásip Palatasy, maman sarapshylar jáne ýniversitettiń professor-oqytýshylar quramy men doktoranttary qatysty.
Rektor Takir Balyqbaev halyqaralyq dialog alańyndaǵy talqylanatyn ózekti máselelerdi atap, olardyń quqyq jáne halyqaralyq quqyq salasyndaǵy jetistiktermen bólisýde, bilimderin zertteýde jáne tájiribelermen almasýda beretin orasan zor múmkindikteri týraly aitty.
Dóńgelek ústel jumysynda aǵylshyn jalpy quqyǵynyń artyqshylyǵy jáne «Astana» halyqaralyq qarjy ortalyǵynyń tájiribesi, qarjylyq tehnologiialar-máseleler jáne múmkindikteri, «Astana» HQO men Sorbonna-Qazaqstan institýtynyń birlesken jumysynyń nátijesi, Qazaqstandaǵy shetel bankterindegi baqylaýdyń komplaens qyzmetin quqyqtyq retteýdiń negizderi jáne Eýropa qurlyqtyq quqyq júiesi bar memleketterde pretsedenttik quqyqty implementatsiialaý máselesi talqylandy.
Halyqaralyq dialog alańynda Igor Rogov (Eýropalyq qurlyqtyq quqyq júiesi bar memleketterde pretsedenttik quqyqty implementatsiialaý máselesi»), Sheih Bilal Han ( «Aǵylshyn jalpy quqyǵynyń artyqshylyǵy jáne «Astana» HQO tájiribesi»), «Deloitte» Mámilelerdi júzege asyrý jónindegi menedjer Baýyrjan Shalbaev («Deloitte» Mámilelerdi júzege asyrý jónindegi menedjer baiandama jasady. Óz kezeginde Sheih Bilal Han:
– «Ortaq zań» dep ataityn qoldanystaǵy pretsedenttik quqyq Britan imperiiasynyń quqyqtyq júiesinen shyǵady. Keiinirek bul júie álemniń kóptegen bólikterinde synaldy. Bul óte ikemdi jaǵdaiǵa negizdelgen júie. Bul is júrgizý quqyǵy Astana halyqaralyq qarjy ortalyǵynda tájiribe retinde paidalanylýda. Bul testileý úshin jaqsy zerthana, al eger Qazaqstanda sátti qoldanysqa ie bolsa, onda bul zańdy búkil el qoldana alady.Nelikten Qazaqstanda halyqaralyq qarjy ortalyǵy qajet? Sebebi, Qazaqstan Tuńǵysh Prezident tapsyrmasy boiynsha ekonomikany jańa deńgeige kóterýge, elge investitsiia quiýǵa, jekeshelendirýdi ulǵaitýǵa kerek, iaǵni sheteldik investorlardy tartý úshin qajet, – dedi.
Kezdesý barysynda qatysýshylar talqylanatyn taqyryp boiynsha suraqtar qoiyp, olarǵa tolyq jaýaptar aldy.
Qorytyndylai kele, Takir Balyqbaev barlyq qatysýshylarǵa jáne zań salasyndaǵy áriptesterine yntymaqtastyq úshin alǵysyn bildirdi. Sondai-aq, rektor ýniversitetimizdiń zań jáne halyqaralyq quqyq salasyndaǵy kez kelgen máselelerdi talqylaýǵa jáne basqa ýniversitettermen tájiribe almasýǵa arnalǵan alańǵa ainalýǵa daiyn ekendigin aitty.
Rimma JANBAEVA
