Қазақша Qazaqsha قازاقشا Русский
DALA INSIDE-qa ótý
Dala 360 Politica Vox Populi Dala Finance Shartarap Bile júrińiz! Referendým
Bilim Suhbat Zań men Tártip Aimaq Jumysshy jyly Aityldy – oryndaldy Bas taqyryp Saraptama Dál qazir Taza Qazaqstan AES: Referendým
DalaNews visual
Freedom Inside '26

Jas sarbazdar Ant qabyldady

Dalanews
Jas sarbazdar Ant qabyldady
Otan úshin aianbai eńbek etý jolynda Qarýly Kúshterimizdiń qataryn tolyqtyrý – patriottyq is. Árbir azamattyń qasterli boryshy sol bolsa kerek. Azamattyq borysh tek qana qandy qyrǵyn, shabýyl – shaiqaspen ǵana ótelmeidi. Búgingi tańda er azamattyń bergen antyna degen adaldyǵymen ólshenetini anyq. Muny saltanatty rásimde sóz alǵandardyń kóbi tilge tiek etti.

1 maýsymda QR Qarýly Kúshteriniń Áýe qorǵanys kúshteriniń Áýe shabýylyna qarsy qorǵanys áskerlerine baǵynyshty áskeri bólimderde «2019 jyldyń Kóktem merzimi» shaqyrylymynyń jas sarbazdary resmi túrde áskeri Ant qabyldady. Ant qabyldaý rásimin qadaǵalaý úshin Áýe shabýylyna qarsy qorǵanys áskerleri basqarmasynyń ofitserleri áskeri bólimderge bet aldy.

Áskeri Ant qabyldaý rásimine deiin jas sarbazdar úsh apta boiy oqý-jattyǵýda shynyǵyp, saptyq júristiń qyr-syryn meńgerdi. Saltanatty sharada saidyń tasyndai sapqa turǵan olar ábden jattyqqanyn ańǵardy. Boilaryn tik ustap, tiisti talaptardy qajetti deńgeide oryndai otyryp, Ant berdi.

– Sizderdiń jas shaqtaryńyzda ant qabyldaý bala ómirden eresek ómirge qadam basý bolyp sanalsa kerek. Árbir azamat óz boiyna eki ese jaýapkershilik júktelgenin sezinýi qajet. Kez kelgen ýaqytta, qai jerde bolsańyzdar da ulttyń qaýipsizdigine jaýapty ekendikterińizdi umytpańyzdar. Sizder el jáne zań aldyndaǵy jaýapkershilikti jiti sezingeisizder, – dep Áýe shabýylyna qarsy qorǵanys áskerleri qolbasshysynyń tárbie jáne ideologiialyq jumystary jónindegi orynbasary polkovnik Qaiyr Ómirhanov, Túimebai aýylynda ornalasqan, Novobýgtik, Aleksandr Nevskii ordenimen marapattalǵan 97617 áskeri bóliminiń  jas sarbazdarynyń aldynda sóz sóiledi.

Al, Áýe shabýylyna qarsy qorǵanys áskerleri qolbasshysynyń orynbasary – bas injiner polkovnik Valim Asainov:

– Otandy qorǵaý er azamattyń qasietti boryshy. Endeshe, Ant qabyldaǵan jigitterimiz  elimizdiń patrioty bolyp, halqymyzǵa múltiksiz qyzmet etedi degen senimdemin, – dep Priozersk qalasyndaǵy 44841 áskeri bóliminiń jas sarbazdaryna nietin bildirdi.

Áskeri bólimderde Ant qabyldaý rásimi saltanatty marshpen ótýmen jáne áskeri bólimderdiń Jaýyngerlik Týlaryn áketýmen aiaqtaldy.

Áskeri Antqa beriktik sózden góri ispen aiqyndalary daýyssyz. Áýe shabýylyna qarsy qorǵanys áskerleriniń jas sarbazdary muny osyndai saltanatty sátte bilgendei. Eń bastysy, ár jas sarbazda azat sana, jasyn jiger, taisalmas tabyndylyq bolýǵa tiisti. Oǵlannyń ózine tán ózektilikti jitti sezinip, Otan aldyndaǵy paryzyn adal atqarsa bolǵany.

 

Azamat JAǴALBAEV, 25750 áskeri bóliminiń baspasóz tilshisi, maior
Qarýly Kúshter Azamat Jaǵalbaev Áýe shabýylyna qarsy qorǵanys áskerleri qolbasshysy Ant Aleksandr Nevskii Qaiyr Ómirhanov Túimebai aýyly Priozersk Áskeri Ant 25750 áskeri bólim Madina Sádýaqasova

Oqi otyryńyz