Qazaqstan turmystyq zorlyq-zombylyq úshin jaýapkershilikti qatańdatady

Dalanews aqparat 15 sáý. 2024 17:41 1492

Búgin Memleket basshysy Qasym-Jomart Toqaev áıelderdiń quqyqtary men balalardyń qaýipsizdigin qamtamasyz etýge baǵyttalǵan zańdarǵa qol qoıdy, – dep habarlaıdy Dalanews.kz.

Prezıdent Qasym-Jomart Toqaev «Qazaqstan Respýblıkasynyń keıbir zańnamalyq aktilerine áıelderdiń quqyqtary men balalardyń qaýipsizdigin qamtamasyz etý máseleleri boıynsha ózgertýler men tolyqtyrýlar engizý týraly» jáne «Qazaqstan Respýblıkasy Ákimshilik quqyq buzýshylyq týraly kodeksine áıelderdiń quqyqtary men balalardyń qaýipsizdigin qamtamasyz etý máseleleri boıynsha ózgerister men tolyqtyrýlar engizý týraly» Qazaqstan Respýblıkasynyń zańdaryna qol qoıdy.

Memleket basshysy 2022 jylǵy 16 naýryzdaǵy jáne 2023 jylǵy 1 qyrkúıektegi Qazaqstan halqyna arnaǵan joldaýlarynda áıelder men balalarǵa qatysty zorlyq-zombylyq úshin jazany qatańdatýdy tapsyrǵanyn eske sala keteıik.

Engizilgen túzetýler qoǵamda qyzý talqylandy. Parlament palatalarynyń otyrystaryna Ulttyq quryltaı músheleri, úkimettik emes uıymdardyń, Prezıdent janyndaǵy Áıelder isteri jáne otbasylyq-demografıalyq saıasat jónindegi ulttyq komısıanyń, Adam quqyqtary jónindegi ulttyq ortalyqtyń ókilderi jáne Balalar quqyqtary jónindegi ýákil qatysty.

 


Usynylǵan
Sońǵy jańalyqtar