Qazaqstan Respýblıkasynyń halqy arasynda koronavırýstyq ınfeksıanyń (budan ári – KVI) taralýynyń aldyn alý maqsatynda QAÝLY ETEMİN:
1. "Qazaqstan Respýblıkasynyń halqy arasynda koronavırýstyq ınfeksıa aýrýynyń aldyn alý jónindegi sharalardy odan ári júrgizý týraly Qazaqstan Respýblıkasynyń Bas memlekettik sanıtarıalyq dárigeriniń 2021 jylǵy 11 maýsymdaǵy № 28 qaýlysyna (budan ári – QR BMSD-nyń № 28 qaýlysy) mynadaı tolyqtyrý engizilsin:
9. COVID-19 (Vero Cell), belsendiligi joıylǵan (Sinopharm) vaksınasyn qoldana otyryp KVI-ge qarsy vaksınasıalaý júrgizý
114. Belsendiligi joıylǵan (Sinopharm) COVID-19-ǵa qarsy (Vero Cell) vaksına – SARS-CoV-2, 19nCoV-CDC-Tan-HB02, shtamynan jasalǵan, ol keıinnen suıyq vaksına qalyptastyra otyryp, alúmını gıdroksıdinen adúvantpen adsorbsıalaý arqyly ósirindi alý jáne jınaqtaý, β-propıolaktonmen belsendiligin joıý, konsentrasıalaý jáne tazartý úshin Vero jasýshalaryna egiledi. Vaksınada antıbıotıkter men konservanttar joq.
115. Vaksına 18 jastan asqan eresekterge arnalǵan.
116. Vaksınanyń shyǵarylý nysany:
1) bir dozaly qutyda engizý úshin 0,5 ml ónim bolady;
2) qutyda eki ret engizý úshin 1,0 ml ónim bolady, árbir engizý úshin bir doza retinde 0,5 ml qajet; bir adamǵa 1.0 ml engizýge tyıym salynady.
117. Vaksınasıalaý kestesi: engizý arasyndaǵy 21-28 kún aralyqpen eki doza, ár doza 0,5 ml. quraıdy.
118. Usynylatyn engizý joly – bulshyqetke, kóbinese ıyqtyń delta tárizdi bulshyqetine. Tamyr ishine engizýge qatań tyıym salynady.
119. Qutyny alǵash ashqannan keıin vaksınanyń kólemi 1,0 ml qaldyǵy bólme temperatýrasynda 1 saǵattan artyq saqtalmaıdy nemese plús 2°C-tan plús 8°C-qa deıingi temperatýra kezinde 6 saǵattan asyrmaı saqtalady.
120. Vaksınany ekinshi ret alý aldynda rezeńke tyǵynnyń betin dezınfeksıalaý qajet. Aıqaspaly lastanýdy boldyrmaý úshin dozany qutydan shprıske alý ony tikeleı engizer aldynda júrgizilýi qajet. Quramynda konservant joq bolǵandyqtan, shprıske jınalǵan vaksınany dereý paıdalaný kerek. Shprıske birneshe ret aspırasıadan týyndaǵan egý dozasynyń qateligi barynsha azaıtylýy tıis. Eger qutydaǵy qalǵan vaksına 0.5 ml-den az bolsa, ony tastaý kerek jáne ártúrli qutydaǵy vaksınanyń qaldyqtaryn aralastyrmaý kerek.
121. Osy preparatpen qaıta ımmýndaý qajettiligi anyqtalǵan joq.
122. Vaksınany engizýge qarsy kórsetilimder:
1) vaksınanyń kez-kelgen komponentine (onyń ishinde qosymsha zattarǵa) alergıa;
2) vaksınaǵa alergıalyq reaksıalar (jedel alergıalyq reaksıa, angıonevrozdyq isiný, entigý);
3) baqylanbaıtyn epılepsıa nemese júıke júıesiniń basqa da údemeli aýrýlary, sondaı-aq anamnezinde Gııen-Barre sındromynyń bolýy;
4) júktilik jáne laktasıa kezeńi;
5) 18 jasqa deıin jas erekshelik.
123. Eger vaksınasıadan keıin júıke júıesi tarapynan jaǵymsyz reaksıalar paıda bolsa, osy ónimdi qaıta paıdalanýǵa tyıym salynady.
124. Vaksınany mynadaı jaǵdaılarda:
1) jedel aýrýy, sozylmaly aýrýlardyń órshýi jáne qyzbasy bar pasıentterge saqtyqpen qoldaný kerek; qajet bolǵan jaǵdaıda, dáriger vaksınasıany júrgizýdi keıinge qaldyrady;
2) qant dıabetimen aýyratyn pasıentterge jáne anamnezinde nemese otbasy anamnezinde qurysýlar, epılepsıa, ensefalopatıa, psıhıkalyq aýrýlary bar pasıentterge saqtyqpen qoldaný kerek;
3) vaksınany bulshyqetke engizý kezinde paıda bolýy múmkin qan ketý qaýpine baılanysty qannyń uıýynyń buzylýy jáne trombosıtopenıa bar pasıentterge saqtyqpen qoldaný kerek;
4) qaterli isik, nefrozdyq sındrom, JITS-pen aýyratyn naýqastar (bul adamdarda vaksınanyń qaýipsizdigi men tıimdiligi týraly derekter alynbaǵan) sıaqty ımýndyq fýnksıasy buzylǵan pasıentterde saqtyqpen paıdalaný kerek.
125. Imýndyq-globýlınder qabyldaıtyn adamdar ımýndyq tıimdilikke áser etýdi boldyrmaý úshin osy preparatpen keminde 1 aı aralyqpen vaksınasıalanýy tıis.
126. Basqa dárilik zattarmen biriktirip qoldaný: ımýndyq-sýpressıvti zattar sıaqty ımýndyq-sýpressıvti preparattar, hımıa-terapıaǵa arnalǵan dárilik zattar, metabolızmge qarsy preparattar, alkılırleýshi agentter, sıtoýytty preparattar, kortıkosteroıdtar jáne t.b. preparattardy biriktirip qoldaný organızmniń osy ónimge ımýndyq reaksıasyn tómendetýi múmkin.
127. Janama áserlerdiń paıda bolý jıiligi:
1) óte jıi: ıneksıa ornyndaǵy aýyrsyný, bas aýrýy;
2) jıi: qyzba, sharshaý, mıalgıa, artralgıa, jótel, entigý, dıareıa, qyshyný;
3) jıi emes: qyzarý, isiný, qataıý, bórtpe, qyshyný, bas aınalý, anoreksıa, qusý, aýyz-jutqynshaqtyń aýyrýy, dısfagıa, tumaý, ish qatýy, asa joǵary sezimtaldyq;
4) sırek: erıtema, jedel alergıalyq reaksıa, sharshaý, uıqyshyldyq, uıyqtaı almaý, túshkirý, nazofarıngıt, murynnyń bitelýi, tamaqtyń qurǵaýy, tumaý jaǵdaıy, titirkendirgishterge tómen sezimtaldyq (gıpestezıa), aıaq-qoldardaǵy aýyrsyný, júrek soǵysynyń jıileýi, ish aımaǵyndaǵy aýyrsyný, bórtpe, teriniń jáne shyryshty qabyqtardyń qalyptan tys jaǵdaıy, bezeý, kózdiń aýyrýy (oftalmodenıa), qulaqtaǵy jaǵymsyz sezimder, lımfa túıinderiniń ulǵaıýy (lımfadenopatıa);
5) óte sırek: qaltyraý, dám sezýdiń buzylýy, dám sezbeý, kúıdirý jáne ashytý sezimi (parestezıa), tremor, zeıin konsentrasıasynyń buzylýy, murynnan qan ketý (epıstaksıs), demikpe ustamalary, tamaqtyń jybyrlaýy, tonzılıt, fızıkalyq jaısyzdyq, moıynnyń aýyrýy, jaqtyń aýyrýy, moıynnyń tyǵyzdalýy, aýyzdyń shyryshty qabyǵyndaǵy jaralar, tis aýrýy, óńesh qyzmetiniń buzylýy, gastrıt ustamalary, nájistiń tússizdenýi, kózdiń aýyrýy (oftalmodenıa), bulyńǵyr kórý, kózdiń titirkenýi, qulaqtyń aýyrýy, kúsh túskenin seziný, qysym, tómen qan qysymy, nesep ustamaý, etekkirdiń keshigýi.
Vaksınamen baılanysty kúrdeli janama reaksıalar baıqalǵan joq.
128. Vaksınany saqtaý sharttary – jaryqtan qorǵalǵan jerde, salqyn kúıde plús 2° C-tan plús 8 °C-qa deıingi temperatýrada. Muzdatýǵa bolmaıdy.
129. Jaramdylyq merzimi – 24 aı. Qaptamasynda jáne zattańbasynda kórsetilgen jaramdylyq merzimi ótkennen keıin paıdalanýǵa bolmaıdy.».
2. Osy qaýlynyń oryndalýyn baqylaýdy ózime qaldyramyn.
3. Osy qaýly qol qoıylǵan kúnnen bastap kúshine enedi.
