Jasulan Toqqojaulynyń aitýynsha ótken jyly aýdan biýdjetine 87,4 mlrd teńge túsip, 2022 jylmen salystyrǵanda 9,4%-ǵa ulǵaiǵan. Óńirdiń damýyn aýdannyń kelbetine qarap jáne kún sanap kórkeiip kele jatqan árbir aýyldyń tynys-tirshiliginen kórýge bolady. Naryq zańdylyǵyna sai shaǵyn kásipkerlik kóbeiip, sharýa qojalyqtary jyl sanap ósýde. Iri óndiris oryndary men kásiporyndar da barynsha molaiyp keledi. Máselen, búgingi tańda aimaqta 18 iri óndiristik, onyń ishindegi 7 júie quraýshy kásiporyn. Atap aitsaq, «RG BRANDS Kazakhstan», «Coca-Cola Almaty Bottlers», «Hamle Company LTD», «Asia Agro Food», «Efes Kazakhstan», «Kagazy Recycling», «Kelýn Kazfarm. Aýdandaǵy ónerkásip ónimderiniń 90% -y atalǵan kásiporyndarǵa tiesili.
Aýdan ákimi investitsiia tartý jumystary ilgerlep jatqanyn alǵa tartty. Naqtyraq aitar bolsaq, jobanyń quny 90,0 mlrd quraityn Ońtústik Koreianyń iri «KT&G» kompaniiasynyń 405 jańa jumys orynmen qamtamasyz etetin fabrika salynyp jatyr. Budan ózge «Altyn Taǵa» temirbeton buiymdaryn óndirý zaýytynyń qurylysy júrgizilýde. Joba iske assa 1200 jańa jumys orny ashylady.
«Eltai aýyldyq okrýginde «Fokýs» logistikalyq kesheni salynýda.Investitsiia mólsheri 30,0 mlrd teńge. Joba 2024 jyly iske qosylyp, 1500 jańa jumys orny ashylady. Sonymen qatar, Shamalǵan aýylynda 2,4 ga jer telimine «Qazaqstandyq qubyr armatýrasy zaýytynyń» irgetasy qalandy. Osyndai aýqymdy jumystardyń nátijesinde 154,2 mlrd. teńge investitsiia tartyldy, naqty kólem indeksi 88,1 paiyzǵa jetti. Aýdanǵa investitsiia salýǵa nietti kez kelgen kásipkerge ákimdik tarapynan barynsha qoldaý kórsetýge, kásiporyn salýshy azamattardy qajetti infraqurylymdarmen tolyqtai qamtamasyz etýge daiynbyz», - dedi Qarasai aýdanynyń ákimi Jasulan Estenov.
Aýdan ekonomikasynyń turaqtylyǵyn qamtamasyz etetin taǵy bir faktor - shaǵyn jáne orta kásipkerlik. Bul sala boiynsha «2021–2025 jyldarǵa arnalǵan kásipkerlikti damytý jónindegi ulttyq joba» aiasynda 200 kásipkerlerge 6,1 mlrd. teńge kóleminde qoldaý kórsetildi.
«Jańa biznes-ideialardy iske asyrýǵa 48,3 mln teńge kóleminde 35 azamatqa memlekettik grant tabystaldy. Sonymen qatar, 61 azamatqa 5 mln teńgeden barlyǵy 305 mln teńge shaǵyn nesie berildi. Qarasai aýdanynda 2023 jyly 9633 jańa jumys orny quryldy. Onyń ishinde 7552 turaqty, 2081 adam ýaqytsha jumyspen qamtyldy», - dedi spiker.
Óndirisi órkendegen aimaqta basty nazarǵa ilikken áleýmettik- saiasi jaǵdai bul saiajai massivterimen astasyp jatyr. Aýdan, oblys boiynsha saiajai massivteri sanynan kósh basynda. Óńirde eki júzge tarta saiajai bar. Sonyń 52-i eldi meken quramyna enbek. Qazirgi tańda «Almaty oblysynyń sáýlet jáne qala qurylysy basqarmasy» memlekettik mekemesimen birlesip qujattary daiarlanýda.
Eldiń jaiy jergilikti bilik úshin eń basty másele bolýy tiis. Osy rette qarasai jerinde aýdan halqynyń basty bazynasyna ainalǵan sý júiesine qatysty birshama ister kezeń-kezeńimen júzege asyrylyp keledi.
Jasulan Estenovtyń sózine súiensek, aýyz sý tapshylyǵy máselesin sheshý úshin 2 eldi-mekende aýyz sý júiesiniń qurylys-montajdaý jumystary júrgizilýde jáne 9 aýyldyń aýyz sý júieleri qaita jańǵyrady. Bul maqsatta qazynadan 187,4 mln. teńge bólinip, jobalaý-smetalyq qujattamalary ázirlenýde.
«Aita ketý kerek, Qaskeleń toptyq sý qubyry salynyp jatyr. Toptyq sý qubyryna aýdannyń 18 eldi mekeni kiredi. Josparǵa sáikes, jumystar 2024 jyldyń sońynda aiaqtalýy tiis», - dep atap ótti aýdan basshysy.
Baspasóz máslihatynda ákim aitqan kezekti maǵulmat kógildir otyn jaiyna qatysty boldy. Jalpy, Qarasaida 47 eldi mekenniń 43-ne gaz júrgizilgen. Endigide ákimdiktiń nysanasyna alynǵan jumys 300 turǵyn úii bar Saýynshy aýylyn gazben qamtý bolyp tur. Búginde magistraldy gaz qubyrynyń bastapqy qurylys jumystaryna 1,0 mln teńge bólinip, memlekettik satyp-alý konkýrsy júrip jatyr. 2024 jyly saýynshylyq turǵyndar gazǵa tolyqtai qosylýy kerek eken.
Oblys úshinde aimaqtaǵy aiǵaiynnyńda kóz tikken kelesi másele- úsh aýysymdy mektep. Qarasai jerinde ótken jyly úsh aýysymda oqytatyn 12 mektep bolsa, biyl onyń sany 6-ǵa azaiǵan.
«2024-2025 jyldary qalǵan úsh aýysymdy meketpterdi joiý úshin «Jaily mektep» Ulttyq jobasy aiasynda aýdan boiynsha jalpy 13 myń oqýshyǵa arnalǵan jańa formattaǵy 10 mektep salý qarastyrylǵan. Odan bólek, «Ómiruzaq» turǵyn úi kesheninde 900 oryndyq jáne jeke kásipkermen «Asyl arman» turǵyn úi kesheninde 2000 oryndyq mektepterdiń qurylysy júrgizilýde. Atalǵan jobalar iske asqannan keiin aýdanymyzdyń barlyq úsh aýysymdy mektepterdiń máselesi sheshiledi»,- dep aitty aýdan ákimi.
«Joldyń jaiyn júrgen biler, eldiń jaiyn ákim biler» demekshi, Jasulan Toqqojauly ózi basqaratyn aimaqtaǵy jol sapasy týraly sóz qaýzady.
Aitýynsha, aýdandyq mańyzy bar 1115 shaqyrym joldardyń 527 shaqyrymyna jóndeý júrgizilgen, qalǵan 588 shaqyrymy áli de jóndeýdi talap etedi. .
«Biyl aýdannyń joldaryn jóndeýge 2,9 mlrd teńge qarastyrylyp, 18 eldi mekenniń 47 kóshesine jóndeý jumystaryn júrgizý josparlanýda, onyń ishinde «Aýyl el besigi» baǵdarlamasy aiasynda 5 eldi mekenniń 30 kóshesiniń 22,5 shaqyrymy jóndeledi. «KazAvtoJol» ulttyq kompaniiasymen Jibek joly beketin ainalyp ótetin, jalpy uzyndyǵy 7 shaqyrymdy quraityn avtomobil joly kólik ótkeli salynyp jatyr. Jumystar 70 paiyzǵa oryndalǵan. Al, aiaqtaý merzimi 2024 jyldyń tamyz aiyna josparlanyp otyr», - dep qorytty spiker.
