Abai ýniversiteti stýdentteri Kazakhstan Fashion Week Ulttyq sán aptalyǵynyń atqarýshy direktorymen kezdesti
«Shyǵarmashylyq jobalardy qurý men júrgizýdiń erekshelikteri» taqyrybyna arnalǵan kezdesýde Tárbie, áleýmettik jumystar jáne jastar saiasaty departamenti men Óner, mádeniet jáne sport institýty uiymdastyrdy.
Kezdesý barysynda Botagóz Aldongarova óziniń kásibi damýy týraly aityp, jumys tájiribesimen bólisti.
– Jýrnalist mamandyǵyn tańdaǵanda, bul meniń súiikti isimmen ainalysýǵa múmkindik beretinin bildim. Men úlken merekelerdi, is-sharalardy júrgizgendi jaqsy kóremin. Efirge shyqqandy unatamyn. Bala kezimnen sahnaǵa shyqtym, adamdardyń ómirinde baqytty sátteri bolýy úshin ne isteý kerektigin bilemin.
Biraq munyń bári tájirbiemen keldi. Aldymen men adamdarmen múmkindiginshe kóp sóileskim keldi jáne álemde bolyp jatqan barlyq oqiǵalardan únemi habardar bolýdy oiladym. Sondyqtan jýrnalistika maǵan kerek ekenin túsindim.
Maǵan ózimdi radiojúrgizýshi retinde synap kórýdi usyndy, men kelistim. Osylaisha men BAQ-pen birge ósip, damydym. Jýrnalistikadan keiin adamdarmen qarym-qatynas jasai otyryp, is-sharalar uiymdastyrý arqyly Kazakhstan Fashion Week-ti uiymdastyrýǵa dostarymnan shaqyrtý aldym, – deidi Botagóz Shaimuratqyzy.
Sondai-aq kezdesý barysynda shyǵarmashylyq jobalardy uiymdastyrý, olardyń taqyryptyq-ideialyq ereksheligi, tárbielik máni, kórkemdik izdenis tóńireginde de sóz qozǵaldy. Nátijesinde stýdentter mańyzdy aqparatqa qol jetkizip, suraqtaryna jaýap aldy.
