2030 jylǵa qaraı Ózbekstan 70 paıyz elektr energıasynan, 30 paıyz kún kózinen qýat alatyn kólikter shyǵarýdy josparlap otyr.
Temir tulpardyń artqy jaǵy tolyqtaı kún batareıalarymen jabdyqtalǵan. 2 saǵatta qýattalǵan kólik 800 shaqyrymdy baǵyndyrady. Ázirge álemde balamasy joq.
Ózbekstanda jyldyń 320 kúni shýaqty. Sondyqtan irgemizdegi kórshimiz kún kózin ekonomıkanyń barlyq salasynda tıimdi paıdalanýdy josparlapty.
Osy baǵyttaǵy taǵy bir jańalyq – eko-kapsýla nemese shaǵyn meımanhana.
– Azamattardyń demalyp, uıyqtaýyna arnalǵan eko-kapsýlalar aldaǵy 2-3 jylda vokzal, aeroporttarǵa ornatylmaq. Eki qabattan turady. İshi ájeptáýir keń. Ortopedıalyq matras, kompúter, ınternet, vaı-faı, teledıdar, salqyndatqyshpen jabdyqtalǵan. Esigi tyǵyz jabylatyndyqtan, syrttaǵy shý estilmeıdi. Bir sózben aıtqanda, jolaýshyǵa barlyq jaǵdaı jasalǵan. Baǵasy da qoljetimdi, sondyqtan meımanhanalardy almastyra alady, – deıdi ózbek ınjeneri Fırdaýs Nematzoda.
Avtorlary: Gúlmaıra Qýatbaıqyzy, Abdýlla Isaev
Derekkózi: khabar.kz
