«Órleý» qashyqtan oqytýdyń mán-jaiyn túsindiredi
Vebinar spikerleri – «Órleý» BAUO» AQ filialy Almaty q. boiynsha PQ BAI direktorynyń OÁJ jónindegi orynbasary I. I. Halitova (orys tilinde), Institýttyń aǵa oqytýshysy A. T. Qońyrova (qazaq tilinde).
Vebinar QR BǴM usynǵan aqparatty negizge alady: bilim berý uiymdarynyń 1 toqsandaǵy jumysy, bastaýysh synyp kezekshileriniń jumysy, kezekshi synyptarda qamtylýǵa tiisti sanitarlyq talaptar, otandyq telearnalar men Internet jelisindegi bilim berý resýrstary týraly aqparat. Qashyqtyqtan oqytýdy uiymdastyrý boiynsha naqty usynystar: «Úide qalai oqýǵa bolady?», «Gigiena negizderi», «Kiberkýltýra», «Internet arqyly qalai oqýǵa bolady?», «Dene jattyǵýlarynyń máni».
Vebinar formaty tikelei qarym-qatynas rejiminde bolǵandyqtan, barlyq qatysýshynyń ózin qyzyqtyratyn suraqtardy qoiýǵa múmkindigi bar. Arnaiy silteme boiynsha vebinarǵa engen qatysýshylardyń suraqtary boiynsha spikerler tolyq túsiniktemeler men usynystar beredi.
Munyń bári bala úshin, ata-ana men muǵalim arasyndaǵy túsinispeýshilikten bala zardap shekpeýi úshin jasalýda! Bas muǵalim qiyn jaǵdaida bilim berý júiesiniń qyzmetkerlerine senim artty, úlken talappen batyl qadamdar jasady, jol kórsetti. Al ustazdardyń ustazy eńbek etetin «Órleý» Biliktilikti arttyrý ulttyq ortalyǵy ministrliktiń alǵa qoiǵan talap-maqsattaryn júzege asyrý maqsatynda belsenedilikpen eńbek etýde. Ol úshin qosymsha qarajat suraǵan joq, ýaqytpen sanasqan joq, kezekti eńbek demalystarynda júrse de, kompiýterdiń aldynan alystap ketken joq! Trenerler jaz boiyna mektep muǵalimderimen tyǵyz bailanysta bolyp, qashyqtyqtan oqytýdyń tehnikalyq erekshelikterin jalyqpai túsindirip, tájiribelerimen bólisýde.
Vebinar materialynda balalarynyń boiynda mektep ómirinde qalyptasatyn mańyzdy qasietterdi: minez-qulyq mádenieti, tózimdilik, jaýapkershilik daǵdylaryn damytýǵa qoldaý kórsetýge qajetti ata-analarǵa usynys-keńester bar.
Covid-19 bizdiń ómirimizge eleýli ózgerister engizdi. Qashyqtyqtan oqytý – karantin jaǵdaiynda oqý protsesin jalǵastyrýǵa múmkindik beretin bilim berý úlgisi. Qazirgi tańda zamanýi bilim berý mekemesindegi dástúrli oqytý úlgisimen qatar qashyqtyqtan oqytý kóptegen máselelerdi sheshýge jáne oqý protsesinde ata-analar men bilim alýshylardyń ótinishterin oryndaýǵa múmkindik beredi. Osylaisha, oqytýdyń virtýaldy nysany, atap aitqanda mektepte qashyqtyqtan oqytý – oqýshyny óz betinshe izdenýge jeteleidi, qosymsha bilim alý aiasyn keńeitýge múmkindik beredi.
Qashyqtyqtan oqytýdyń artyqshylyǵy, birinshi kezekte – balalardyń qaýipsizdigi, ekinshiden, oqýshylar tolyq kólemde, zamanaýi tehnologiialar arqyly bilim alady. Demek, pandemiia bizdiń elimizde balalardyń bilim alý protsesine kedergi bolmaýy úshin Bilim jáne ǵylym ministrligi barlyq múmkindikterdi qarastyryp otyr. Muǵalimder demalys ýaqytynda qashyqtyqtan oqytý ádisterine mashyqtanyp, biliktilik daǵdylaryn damytty. Iaǵni, jańa oqý jylynda indettiń taralýyna tosqaýyl bolatyn qaýipsizdik sharalaryn tolyq qamti otyryp mektepter óz jumysyn jalǵastyrady.
Adam shyn máninde bilim alýǵa umtylǵan jaǵdaida ǵana úirený múmkin bolatyndyǵyn este ustaǵan jón. Sondyqtan balalardy qashyqtyqtan oqytý sapasy tek muǵalimge ǵana emes, sonymen birge oqý protsesiniń barlyq qatysýshylaryna: ár oqýshy men ata-anaǵa bailanysty.
Ainur Jumahan
