Diana Kentaý qalasyndaǵy balabaqshada muǵalim bolyp jumys isteidi. Bilikti pedagog, jas maman «Nur Otan» partiiasynyń praimerizine ótinish tapsyryp, tirkeldi. Týǵan jerdiń gúldenýine úles qosqysy keletin patriot qyz qazaq tiliniń mártebesin kóterýdi óz mindeti dep sanaidy.
– Memleketimizde áleýmettik-ekonomikalyq jańǵyrýlarmen qatar, elimizdiń saiasi ómirinde de oń ózgerister baiqalyp jatyr. Partiianyń praimerizi – barynsha bedeldi, belsendi jáne jarqyn tulǵalardy anyqtaýǵa, ásirese, jastarǵa zor múmkindik. Men Sidorina Diana Viacheslavqyzy, ultym bólek bolǵanymen, janym – qazaq.
Bul dodada baq synaýymnyń basty maqsaty – qazaq tiliniń mártebesin kóterý. Tili men dilin umytqan ulttyń da bolashaǵy bulyńǵyr ekenin keleshek jastarǵa uǵyndyrý.
Tilimizdiń órkendeýi úshin árbir el azamaty úles qosýy tiis. Eldiń egemendigin tanytatyn týǵan til bolashaqta tolyq kúshine enetinine, ony tek qazaq jastary ǵana emes, baitaq dalamyzdaǵy barlyq etnos ókilderi meńgeretinine senimdimin. Keleshek urpaqty tárbileý jolynda ózim barynsha qazaq tilinde sóilep, oiymdy ashyq jetkizýge tyrysamyn. Praimeriz – men úshin zor múmkindik. Osy múmkindikti qoldan jibermei, qatysqaly otyrmyn. Maqsatym da, josparlarym da kóp, – deidi Diana.
«Nur Otan» partiiasy Túrkistan oblystyq filialynyń baspasóz qyzmeti
