ديانا كەنتاۋ قالاسىنداعى بالاباقشادا ءمۇعالىم بولىپ جۇمىس ىستەيدى. بىلىكتى پەداگوگ، جاس مامان «Nur Otan» پارتياسىنىڭ پرايمەريزىنە ءوتىنىش تاپسىرىپ، تىركەلدى. تۋعان جەردىڭ گۇلدەنۋىنە ۇلەس قوسقىسى كەلەتىن پاتريوت قىز قازاق ءتىلىنىڭ مارتەبەسىن كوتەرۋدى ءوز مىندەتى دەپ سانايدى.
– مەملەكەتىمىزدە الەۋمەتتىك-ەكونوميكالىق جاڭعىرۋلارمەن قاتار، ەلىمىزدىڭ ساياسي ومىرىندە دە وڭ وزگەرىستەر بايقالىپ جاتىر. پارتيانىڭ پرايمەريزى – بارىنشا بەدەلدى، بەلسەندى جانە جارقىن تۇلعالاردى انىقتاۋعا، اسىرەسە، جاستارعا زور مۇمكىندىك. مەن سيدورينا ديانا ۆياچەسلاۆ قىزى، ۇلتىم بولەك بولعانىمەن، جانىم – قازاق.
بۇل دودادا ب ا ق سىناۋىمنىڭ باستى ماقساتى – قازاق ءتىلىنىڭ مارتەبەسىن كوتەرۋ. ءتىلى مەن ءدىلىن ۇمىتقان ۇلتتىڭ دا بولاشاعى بۇلىڭعىر ەكەنىن كەلەشەك جاستارعا ۇعىندىرۋ.
ءتىلىمىزدىڭ وركەندەۋى ءۇشىن ءاربىر ەل ازاماتى ۇلەس قوسۋى ءتيىس. ەلدىڭ ەگەمەندىگىن تانىتاتىن تۋعان ءتىل بولاشاقتا تولىق كۇشىنە ەنەتىنىنە، ونى تەك قازاق جاستارى عانا ەمەس، بايتاق دالامىزداعى بارلىق ەتنوس وكىلدەرى مەڭگەرەتىنىنە سەنىمدىمىن. كەلەشەك ۇرپاقتى تاربيلەۋ جولىندا ءوزىم بارىنشا قازاق تىلىندە سويلەپ، ويىمدى اشىق جەتكىزۋگە تىرىسامىن. پرايمەريز – مەن ءۇشىن زور مۇمكىندىك. وسى مۇمكىندىكتى قولدان جىبەرمەي، قاتىسقالى وتىرمىن. ماقساتىم دا، جوسپارلارىم دا كوپ، – دەيدى ديانا.
«Nur Otan» پارتياسى تۇركىستان وبلىستىق فيليالىنىڭ باسپا ءسوز قىزمەتى
