Hokeıden “Barys” klýbynyń bas bapkeri Mıhaıl Kraves qazaq tilin úırený oıynda joq ekenin málimdedi, dep habarlaıdy Dalanews.kz.

Machtan keıingi baspasóz jıynynda Caravan.kz jýrnalısi bapkerden:

"Astanaǵa kelgenińizge birneshe aı boldy, qazaq tilin úırenip júrsiz be?" — dep suraq qoıady.

Alaıda bapkerdiń jaýaby kópshilikti tańǵaldyrdy.

“Munda bári oryssha sóıleıdi, aǵylshyn tili de bar. Men úlgermeımin. Onda qytaı tilin de úırenýim kerek shyǵar. Orys jáne aǵylshyn tilderi jetkilikti dep oılaımyn, bári túsinedi ǵoı”, — dedi Mıhaıl Kraves.

Bapkerdiń bul sózi áleýmettik jelide qyzý talqy týdyrdy. Ásirese Threads jelisinde qazaqstandyqtar ony synǵa alǵan jazbalar birinen soń biri jarıalandy.

Biri sheteldik mamandy qazaq tilin úırengisi kelmegeni úshin jumystan bosatýdy usynsa, endi biri Kraves elge til úırený úshin emes, kásibı mindetin oryndaý úshin kelgenin aıtady.